Galerejā “Māksla XO” leidz 26. martam var apsavērt gleznuotuojis Ilzis Orinskys dorbu izstuodi “Mazie formāti”

Ilze ir dzymuse 1968. godā Rēzeknē, nu 1986. da 1992. godam studiejuse Latvejis Muokslys akademejā Reigā. Vāluok nu 1992. da 1999. godam vuiceibys turpynuojuse Brēmenis Muokslys augstškolā Vuocejā. Izstuodis sareikuojuse Gerharda Marksa muzeja paviljonā Brēmenē (2011) i Laikmeteiguos muokslys centrā Zīkē.

Izstuodis nūsaukums “Mazie formāti” saisteits gon ar gleznu mozajim izmārim, gon ar škītami nanūzeimeigim sižetim – kukaiņu sasatikšonu, spolvu zuolē, putyna perekļa byuvi, pamastū čaulu i cytom lītom, kurys sovā dziļuokajā byuteibā runoj par dzeiveibys trauslumu i smierts spāku, par kotrys dzeivys radeibys vīnreizeibu i naizmārojamu vierteibu.

Lai gon Ilze Orinska jau vairuok nakai desmit godu dzeivoj i struodoj Vuocejā, Berlinē, jei sovūs dorbūs konsekventi attāloj Latvejis dobu – dobys vāruojumus Latgolā, Ludzys rajona Mežvydūs, kur pavoda vosorys juos vacuoki i pati muokslineica.

Galerejā “Māksla XO” (Elizabetis īlā 14, Reigā) Ilzys Orinskys personalizstuode byus apsaverama piec desmit godu puortraukuma. 

Ziņu sagataveja: LaKuGa