Kulturys menedžmenta centrs „Lauska” sadarbeibā ar Vabalis pogosta puorvaļdi laids klajā Vabalis pogosta etnografiskuo ansambļa „Vabaļis” pyrmū albumu „Pa celeņu…”, kurā dzierdamys na tikai dzīsmis, bet tū papyldynoj ari teicieju stuostejumi.

Ansambļa „Vabaļis” darbeiba bolstās vītejuos tradicejuos, prasmēs i zynuošonuos, ar mierki nūdūt tuos tuoļuok i aktualizēt tūs unikalū vierteibu myusdīnu Latvejis kulturtelpā.

Pošlaik „Vabaļis” ir jaunuokais etnogrāfiskais ansamblis Latgolā i vysā Latevjā. Nu dybynuošonys ansamblis jau ir paspiejs pīsadaleit dažaidūs festivalūs gon Latvejā, gon uorzemēs, bet pošim Vabalis īdzeivuotuojim regulari reikoj tradicionalūs prasmju školys.

Albuma „Pa celeņu…” atvieršonys svātki nūtiks ansambļa septeitajā dzimšonys dīnā 1. aprelī 16 stuņdēs Daugovpiļs nūvoda Vabalis Kulturys centrā.

Ziņu sagataveja: LaKuGa