Dzeiveite muna/Naaizmierstulis jaunradis dorbu konkurss

Dzeiveite muna/Naaizmierstulis jaunradis dorbu konkurss

Autore: Laura Otsone, Rībeņu vydsškola, 10. klase

(Munys puordūmys par tū dzeivi, kuru es dzeivoju)

Vysod lykuos, ka mes sovu dzeivi varim koč kai uzlobuot, a tod, kod myusim problemu ir vairuok, tod mes suocem vērstīs pi Dīva, kas myusim var paleidzēt. A eistineibā ari mes poši asam vaineigi, ka vysu dalaižam leidz slyktuokajam gadīņam tai, ka i Dīveņš navar paleidzēt. Mes kotrs asam sovys laimis kalieji i deļtuo ir juosacenš dareit vysu lobuok, lai tei laime nu myusu naaizītu. Kū vairuok mes lobu dorom, tū leluoka tei laime byus myusim pošim i tam, kas augstuok stuov par myusim. A itys stuosts nabyus kaida pamuoceiba, kai dzeivuot lobuok, tys byus par munu dzeivi, kuru es dzeivoju deļ sovys laimis, kas maņ kotru dīnu īt blokus.

Golvonais muns pīnuokums, caur kuru es giustu tū lobumu, ir ļūbeit sovu mamu i sovu dzeivi, a ka es naļūbeišu sovu dzeivi, tod maņ i naredzēt tū laimi, kas maņ nūvālāta. Muna laime ir tys psts, kas muns sorgeņgeļs. Piec malnuos sveitrys vajag tikai nadaudz man tuos laimis, lai es byutu puorlaimeiguokais bārns itymā lelajā pasaulī. Laimi es nikod navariešu aizvītuot ar kū cytu, partū ka tei ir muna vīneiguo i eistuo laime, kuru man ir juonūsorgoj. Es tod lobuok grīzšūs pi Dīva, lai jis maņ paleidz izpiļdeit munu dzeivis pīnuokumu, kuru asu nūpeļnejuse ar tū, ka asu pīdzymuse sovai mamai, kuru es ļūbeju vysvairuok par vysu pasaulī. Prūtams, es ļūbeju i sovu tēti, kas maņ ari ir vīneigais, i nivīns jū navarēs aizvītuot. Ar Dīvu es mūstūs i eju gulātu, i jis maņ kotru dīnu paleidz izpiļdeit tū pīnuokumu, lai muna dzeiveite tuolā nuokūtnē byutu laimeiga i lai munā dzeivē byutu tikai laimis osorys. Caur laimi i Dīvu tyktu izpiļdeits muns pīnuokums, kas maņ var nest veiksmi iz vysu myužu. Muna laime – tei ir jau īraksteita dabasūs ar skaistim sudrabuotim zvaigžņu burtim vysu svātajā Dīva gruomotā, kuru zyna tikai Dīveņš. Nivīns munā vītā navarēs izdareit munus pīnuokumus. Tū varu tikai es. Tei byus tikai i vīneigi muna dzeive. I nivīnam es naatdūšu tū laimi.

Laime – tys ir stuosts, ar kuru es dzeivoju vysu dzeivi i pyldu pīnuokumu, lai muna dzeive byutu vēļ vairuok pīpiļdeita. Laime – tys ir muns prīks i gondariejums, ar kuru es varu daleitīs ari ar citim. Tuos ir munys emocejis, kurys es sajamu par tū, koč seikumeņu, a deļ manis nūzeimeigys. Man ir tik skumi, kod es naamu dvēselē ar Dīvu i dūmos ar mamu, tēti i babu.

Tei ir muna dzeive, kuru es veidoju kai pylnvierteiga persona nu vysu pušu, a laimeite īt maņ pa prīkšu kotrā munā sūleitī, i nav nūzeimis, voi tys sūleits byus lels voi mozs. Es vysod piec vyslobuokuo pruota dareišu vysim lobu, lai tikai Dīveņš mani atolguotu. Es sovu laimi naatrasšu naudā, es atrasšu tū sovā veseleibā i sovu tyvuokūs mīlesteibā. Munā dzeivē naudai nabyus pyrmo vīta, kas mani varēs izzudynuot, ka laimeite nu manis aizīs. Mani prīceigu, laimeigu var padareit pat vīnkuoršs smīkleņš, kod kaids ar mani trokoj voi gudrejuos, nu kai mozeņš bierneņš.

Es sovā dzeivē pasaļaunu iz Dīva, jis maņ vysod paleidz i sorgoj gon školā, gon sātā, gon pasaulī. Svareigi ir napazaudēt tuos atminis i emocejis, kod esi bejs laimeigs. Tū es navaru pīļaut. Vēļ vyss byus atkareigs, kai es sovu dzeivis pīnuokumu piļdeišu, voi tai paviršai, voi ari nu vysys sirds. Ar mani vysod byus Dīvs, kas redzēs i mani vuiceis caur munys dzeivis klaidom, kurys es pīlaižu reizem. Dīvs ir pats pyrmais, pi kuo es varu grīstīs ar sovom lyugšonom, kurys īt nu sirds, Dīvam es varu izkrateit sirdi, ka kuodreiz mamai voi tētai nagrybu kū izsaceit. Dīveņš mani vysod uzklauseis i pīdūs, tai lai munā laimeitē nabyutu kaida malnumeņa. Partū ka laime – tei ir kai puzle, kuru es līku vysu dzeivi, i tei sastuov nu vaiurokim dzeivis gabalenim. Ka iztryuks kaids vīns gabaleņš, sajuks maņ vysa dzeivis puzle, i tī Dīveņš vairs maņ navarēs paleidzē, partū ka gabaleņš, lela daļa nu manis, byus pazuduse iz vysim laikim. A lai tū atgiutu atpakaļ, maņ byus cīšeņ juopasaceņš, partū ka varbyut Dīveņš apsažāluos un dūs tūmār ūtru īspieju atgiut atpakaļ. A es napazaudiešu tū laimi, partū ka asu sevī puorlīcynuota i dzeivuošu ar Dīvu laimeigi.

Maņ tagad laimeite byus vajadzeiga, lai pabeigtu školu i pīpiļdeitu sovu mierki tai, ka vacuoki byutu lapni par mani. I tys byus muns golvonais pīnuokums, kur es sovu laimi i grybysspāku variešu pīlītuot. I Dīveņu es naaizmiersšu. Es lyugšūs i pīdūšu vysim, pat sovim īnaidnīkim, daleišūs sovā laimē, lai ari kuodreiz pasaprīcoj. A maņ byus prīks veļ leluoks, kod munim bārnim byus vysumeiluokais pīnuokums – ļūbeit patīsi sovu mamu, tai kai es tū tagad nu vysys sirds izruodu sovim vacuokim. Tagad tei ir muna vīna nu golvonajom dzeivis pīredzem, kas paleidz maņ. Muni vuordi nūbeigumam: nikod naizlaist sovu laimi i ceineitīs par kotru dzeivis pīnuokuma seikumu, lai napazustu dzeivis puzlis gabaleņš.

Karteņa: Intys Valainis zeimiejums

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]