CD formatā izdūti Krystaceļa dzīduojumi

CD formatā izdūti Krystaceļa dzīduojumi

Krystacela dziduojumi FI

Ar Latgolys regiona atteisteibys agenturys i Ivara Livdāna finansialu atbolstu ir izdūts dubultdisks „Tautys krystaceļš Aglyunā”. Rokstūt projektu, suokūtnejuo īcere beja īraksteit i izdūt vīnu disku. Bet tys nabyutu Krysta ceļš pylnā veidā, tikai atseviški fragmenti, i ticeigī, nūpierkūt CD, navarātu piļneibā puordūmuot i lyugtīs Krysta ceļa lyugšonu. Ar itū disku Aglyunys bazilikys Kuora škola pylda sovu miseju – saglobuot i popularizēt katuoļu bazneicys latgaliskuos dzīduošonys tradicejis.

Skaņu īrokstā paguojušuo goda decembrī Aglyunys bazilikā pīsadaleja dzīduotuoji nu Aglyunys, Preilim, Stiernīnis i Viļānu draudzem, varganiste – Īva Rozenbaha. Meditaceju sagataveja i skaiteja prīsters Jurs Zarāns.

Lai ticeigūs tyvynuotu Krysta ceļa nūskaņai Aglyunā, diska suokumā skonūšais 51. psalms ir jimts nu LTV 1 īroksta 2012. goda 14. augustā – tautys Krystaceļa Aglyunys bazilikys sakralajā laukumā.

Skaņu īrokstu veice Latvejis Radeja, skaņu režisors – Jāzeps Kulbergs, muokslinīciskū nūformiejumu veice muokslinīki Līga Čible i Romualds Gibovskis.

 

Ziņu sagataveja: LaKuGa

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]