Itūnedeļ Rēzekne pīdzeivuos seņ gaideitu nūtykumu – Austrumlatvejis koncertzals aba Latgolys viestnīceiba „Gors” skateituojim i klauseituojim vērs vaļā sovys durovys.

Atkluošonys pasuokumi suoksīs svātdiņ, 19. majā – 16:00 tiks īsvieteita Latgolys viestnīceibys „Gors” sātysvīta, 17:00 tiks īskandynuoti koncertflīgeli „Steinway&Sons”, kai ari byus īspieja apmeklēt J. Ivanova Rēzeknis Muzykys vydsškolys i Latgolys viestnīceibys „Gors” simfoniskuo orkestra konceru ar Juoni Stafecki pi dirigenta puļts. Beletu cena 2 i 3 LVL.

Nu 20. leidz 26. majam nūtiks Latgolys kinu nedeļa, kurys laikā tiks demonstrātys profesionalys spieļkinys, dokumentaluos kinys, amatirkinys, kai ari pošys jaunuokuos kinys par Latgolu i tuos cylvākim.
20. majā 17:00 J. Streiča stuostejums „Ceļš uz Latgali”, piec tam kina „Cilvēka bērns”
21. majā 17:00 kina „Fedja” par Latgolā dzymušū režisoru Teuvo Tulio, kai ari juo kina „Passion”
22. majs veļteits Frankam Hercam, nu 17:00 „Vecāks par 10 minūtēm”, „Esības prieks”, „Reiz dzīvoja septiņi Simeoni” i „Pēc tam”. Skateituojim byus īspieja tiktīs ar Herca daiļradis pazinieju kinukritiki Galinu Frolovu.
23. majā 17:00 dokumentaluo kina „Latgales Māras ceļš”, „Latgale. Trīs stāsti”.
24. majā 14:00 „Vīna vosora deļ vysu”, 17:00 „Myužeigais kalinders”
25. majā nu 11:00 vysys dīnys garumā tiks ruodeiti kinu atkuortuojumi. 16:00 pyrmizruodi pīdzeivuos Ilzis Kungas-Melgailis kina „Brāļi Varslavāni”.
Beletu cenys: 1 Ls, Franka Herca dīna – bez moksys, 25. majā kotra kina 0,50 Ls ci dīnys belets Ls 2.

29. i 30. majā 19:00 „Gora” atkluošonys koncerts, pyrmajā daļā dzīšmu spēle „Ķēniņmeita. Latgales pasaka”, ūtrajā daļā pīsadaleis Līpuojis Simfoniskais orķestris (diriģents Atvars Lakstīgala), vargaņu spālātuoja Iveta Apkalna, pianists Vestards Šimkus, kai ari cyti gosti. Eipaši atkluošonys koncertam kūpkūrī sovus bolsus savīnuos dzīduotuoji nu Rēzeknis, Daugovpiļs i Cāsu kuorim. Koncertā uzastuos solisti Guntra Kuzmina (soprāns), Krišjānis Norvelis (bass) i cyti.
Beletu cenys: 29. majā 5–15 Ls, 30. majā 10–20 Ls.

Piec atkluošonys koncerta 30. majā 22:00 Mozajā zalā ikvīnam byus īspieja turpynuot svineibys kūpā ar rokenrola grupu „Big Al & Jokers”, beletu cena 5 Ls.
1. junī 17:00 iz skotuvis kuops Raimonds Pauls, koncertā skanēs komponista muzyka nu kinom i teatra izruodem. Beletu cena 7–10 Ls. Sovukuort 21:00 uzastuos latgalīšu grupys „Dabasu Durovys”, „Bez PVN”, kai ari cyti muokslinīki. Beletu cena 4 Ls īprīkšpuordūšonā, 5 Ls – pasuokuma dīnā.
2. junī vysai saimei dūmuots muzikals teatra uzvadums „Izlaidums Brīnumskapī”. Beletu cena 3 Ls īprīkšpuordūšonā, 4 Ls – pasuokuma dīnā.

Beletus iz „Gora” atkluošonys pasuokumim var īsaguoduot „Biļešu paradīzes” kasēs, kai ari interneta vītnē www.bilesuparadize.lv. Beletus var rezervēt ari pa telefonu +371 9000 2000 (dorba dīnuos nu 10 līdz 18, moksa par zvonu 0.48 Ls/min t.sk. PVN).

Karteņa: Juoņs Litavnīks, “Gora” publicitatis karteņa
Ziņu sagataveja: LaKuGa