Jaunīšu bīdreiba “Latgolys Studentu centrs” i LaKuGa aicynoj jaunūs latgalīšu literatus pīsadaleit „Jaunūs literatu školā „Tievanānu pavasars 2013””, kas šūgod nu 6. leidz 9. juņam nūtiks Viļānu nūvoda “Tievanānūs”.

Apvuiceibu mierkis ir veicynuot latgalīšu literaturys atteisteibu, sekmejūt dialoga rašonūs jaunūs i zynomūs literatu vydā,  apvuiceibu kontekstā tai, lai nūtyktu literaruos atteisteibys virzeiba, kai ari latgalīšu literaturys saglobuošona i Latgolys kulturys pezenteišona. Literaruos školys laikā, tiks runuots par: literaturys žanrim i raksteišonys tehniku, prozys i dzejis volūdu, latgalīšu rokstu volūdu, tekstu pasnīgšonu publikai, latgalīšu literaturys materialuos izpausmis formom, kai ari nūtiks praktyskuos nūdarbeibys rodušūs dorbu raksteišonā i dažaidys aktivitates, kas saisteitys ar apvuiceibu dalīnīku savstorpejuos tolerances nūstyprynuošonu, kai ari īsapazeišona ar latgaliskajom kulturys tradicejom, vidi i mentalitati.

Lai pīsateiktūs apvuiceibuos, da 1. juņam ir juoaizpylda anketa, kas atrūnama portalūs lakuga.lv voi lgsc.lv kai ari juoīsyuta 2 sovi rokstu dorbi (dzeja, proza) latgaliski voi latviski iz LgSC e-postu: lgsc@lgsc.lv. Dalīnīku skaits ir īrūbežuots. Daleiba apvuiceibuos ir bez moksys, dalinīki poši sadz transporta izmoksys leidz pasuokuma vītai i atpkaļ.

Vaira dazynuošonys: Renārs Kancāns T.: 25152774 (LMT), 22143390 (Bite), e-posts: renars10101@inbox.lv

Dasacejuma anketa pīejama ite, pasuokuma aproksts ite, pasuokuma parāds ite.