Ar atvārtu sirdi/ Vikys dzejūli

Ar atvārtu sirdi/ Vikys dzejūli
LaKuGa skaiteituoju viereibai pīduovoj jaunuos latgalīšu dzejneicys Vikys debeju latgalīšu literaturā.

***
ir draugi dažaidi:

eistī draugi
ar atvārtu sirdi, uztycami

un ir

škītamī draugi
divkūseigi, viļteigi

vaicuojums
voi tī ūtrī vyspuor juosauc
par draugim?

***
ar laiku
vyss izamaina
vyss ir LAIKA vaicuojums

šudiņ
muna dzeive
muna mīlesteiba
muni sapni
un laime
ir steiva

tagadne mainuos iz paguotni
paguotne iz nuokūtni
nuokūtne iz tagadni

ar laiku
vyss izamaina
vyss ir LAIKA vaicuojums

***
vīns skatīņs
vīns vuords

i tu
īsazogi
munā pruotā
munā sirdī
cik ilgam laikam
tys vīns skatīņs
tys vīns vuords?

šudiņdīnai? reitdīnai? voi pareitam vēļ byus?

***
Smaids, kū tu man dūd, –
paleidz!

paleidz vysu pasauli aptvert
un
īraudzeit cytuos kruosuos

es kliustu
redzieguoka
dzierdeiguoka
sovaižuoka

vīnkruosainuo un palākuo
loppuse
aizvārta

Paļdis Tev!

***
Laiks iet
uz priekšu

un tu sāc saprast
ka atpakaļceļa
vairs nav

kas notiks
tālāk?

***
Kaidam es asu moza
Kaidam – lela
Kaidam – NIKAS!
Bet kaidam VYSS!
p.s. tai dūmoj muna sirds…

***
Ar vīnu vuordu
Grybātu pasaceit vysu
Kū jiutu
Kū grybu
Kam tycu
Kas svareigs

Tikai ar vīnu vuordu…

Kaidu?

***
Redzieju sapynu:

Pīniņu lauks… zīmys vydā…
Dzaltons, dzaltons
Saulains, saulains

Apleik vyss teirs, bolts
Bet cīši solts…

Es sapynu vainogu
I guoju zīmā

Pīniņu lauks palyka
aiz mugorys…

***
es eju. eju pa ceļu. tū pošu ceļu.
tik šūreiz – es vīna.

atcerūs. atcerūs vuordus. atcerūs tovus vuordus.
tik šūreiz – es vīna.

atminis. apleik atminis. apleik kleist atminis.
tik šūreiz – tu vīns.
tik šūreiz – es vīna.
Karteņa: LaKuGys arhivs

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]