Lyudz paleidzēt Venerandai Andžānei

Lyudz paleidzēt Venerandai Andžānei
„Nenokavējiet labus darbus darīt,
Ne šodien, ne rīt, ne parīt”

Tai Veneranda Andžāne roksta sovā jaunuokajā dzejis gruomotā „Basām kājām”, kurā daudz runuots par cylvāku lobom sovstarpejom attīceibom, par paleidziešonu, par lobu dorbu dareišonu cytu lobā. Tūs Veneranda Andžāne ari poša ir darejuse vysu myužu, bet pādejūs 20 godūs it eipaši. Jei ir organiziejuse pīcys vosorys nūmetnis daudzbārnu saimu bārnim „Motrīne 1”, „Motrīne 2” – „Motrīne 5”. Nu daudzim pogostim 90. godūs vaduse pylnus lelūs autobusus ar nabadzeigim, sociali atstumtim bārnim ekskursejuos iz Reigu i lada festivalim Jelgovā i cytur. Daudzus godus vadeja pošys dybynuotu fondu muotem „Glābsim dēlus!”, organiziejuse tikšonuos i diskuseju piecpušdīnis par jūs dzeivi, spieju izcīst. Tuos beja muotis, kurom dālu vairs nav.

Cīši plašu atbolstu izraiseja konference „Starp mums vīriešiem – runājot” Bolvūs, kur dažaida tipa veirīši – uzjiemieji, sportisti, zemnīki, drūsmeigi bezdarbnīki – atkluoti runuoja ar izlaiduma klašu jaunīšim.

Pādejūs godūs Veneranda Andžāne ir pīvārsuse uzmaneibu apryupis centrim i vacūs ļaužu pansionatim. Organiziejuse tī lobdareibys pasuokumus, kurus popularizej Latgolys radeja, Latgolys Regionaluo TV, lai pīvārstu uzmaneibu itom īstuodem i jūs problemom. Dorbs ir pamaneits, pīmāram, Kuorsovys vacūs ļaužu apryupis centrā uzalobuojušs dzeivis apstuokli. Bolvūs plašuok i interesantuok nūteik dažaidi pasuokumi i c. Nu Veneranda personeigi par sevi nav pasaryupiejuse i piec naveiksmeigys operacejis staigoj ar gryuteibom telpā, ir ari smogys mugorys problemys i cytys kaulu slimeibys. Piec izmekliešonys ir napīcīšams veikt ūtru operaceju i atgrīzt spieju staiguot, taipat veikt rehabilitacejis kursu mugurkaula darbeibys uzlobuošonai. Tys vyss moksoj 2000 Ls, bet Venerandai Andžānei itaidys naudys nav, partū ka jei sajam tikai parostū penseju.

Teik aicynuots sazīduot vajadzeigūs leidzekļus Venerandys Andžānis operacejai i rehabilitacejis kursam. Bankys konts LV24UNLA0050008426712 (LVL), kods 839423, AS „SEB” banka Balvu filiāle.

Ziņu sagataveja: LaKuGa piec Baļtinovys nūvoda dūmis informacejis

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]