„Borowa MC” izdūd jaunu singlu – „Rūtoj”
Itūnedeļ jaunu singlu izdavuse latgalīšu grupa „Borowa MC”, klauseituoju viertiejumam nūdūdūt sovu dzīsmi „Rūtoj”, kurā tautiski motivi īgierbti myusdīneigā apdarē.
Itū vosoru latgalīšu grupa „Borowa MC” pavoda Latgolā, izbaudūt dobys dūtū skaistumu i smeļūtīs īdvasmu Latgolys ainavuos. Latvejis skaistums ari kolpuojs kai īdvasmys olūts jaunajam singlam. Grupa atzeist, ka ar jaunū singlu gryb atsagrīzt pi „saknem” – folklorys, tautiskūs motivus īgierbūt myusdīneigā apdarē.
Ideja par tautys dzīsmis „Rūtoj” apdari rodusēs grupys solistei Guntrai Kuzminai. Dzīsmis producents ir Gints Stankevičs, bet teksta autors – Aigars Runčis.
Itei ir ūtruo dzīsme, ar kuru grupa prīcynoj sovys muzykys cīneituojus piec ilguokys rodušuos pauzis. Pārn izdūtuo dzīsme „Aizlaid pa viejam” īsarynduoja lobuokūs i mīļuotuokūs dzīšmu vydā Latvejis Radejis Muzykalajā bankā.
Itymā vosorā grupa pīsadola ari dažaidūs piļsātu svātkūs i planavoj jauna albuma īraksteišonu.
Ziņu sagataveja: LaKuGa piec grupys informativuo materiala
