Preiļūs apsaverama izstuode „Zaļā Latgale”

Preiļūs apsaverama izstuode „Zaļā Latgale”

Preiļu Golvonuos bibliotekys 2.  stuovā leidz 7. septembram apsaverama muokslinīka Nikolaja Kovaļova gleznu izstuode „Zaļā Latgale”. Bibliotekā izstuodeitys 35 gleznys, kurys topušs, apceļojūt dažaidys Latgolys vītys. Gleznys īspiejams ari nūpierkt.

kovalevsMuokslinīks dzims 1937. goda 1. majā Sanktpīterburgā. Vuicejīs Muokslys vydsškolā, studiejs Leningradys Repina Muokslys institutā. Struoduojs Murmanskys Pedagogiskajā universitātē. Ir nūpalnim boguots Krīvejis muokslinīks i Krīvejis Rakstnīku i muokslinīku savīneibys bīdrs. Nikolajs Kovaļovs sajiems ari Krīvejis Muokslys akademejis sudobra medali. Juo gleznys globojās gon Krīvejis muokslys muzejūs, gon privatkolekcejuos uorpus Krīvejis – Latvejā, Sūmejā, Zvīdrejā, ASV i cytur.

Muokslinīkam Latgola ir tyva, sovā gruomotā „Mīlesteibys turpynuojums” („В продолжение любви”) autors vasalu nūdaļu veļtejs Latgolai. Pārņ jis nūorganizēja Latgolys fotomuokslinīku izstuodi Murmanskā. Pīsadalejs Preiļu nūvoda krīvu autoru dzejis pasuokumūs.

Karteņa:Preiļu GB
Ziņu sagataveja: LaKuGa piec PGB informacejis

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]