Īspieja īsapazeit ar Rēzeknis medicinys viesturi

Īspieja īsapazeit ar Rēzeknis medicinys viesturi

rezeknis medicinys viestureLatgolys Kulturviesturis muzejā kotru mienesi nūteik “Vēstures mirkļu pietura”. 11. martā 14.00 stuņdēs sevkurs interesents gaideits iz sasatikšonu, kurys temats itūreiz ir “No Rēzeknes medicīnas vēstures”.

Medicina ir tikpat vaca kai ciļviece. Kū myusim atkluoj Rēzeknis medicinys viesture? Tū izzynuosim “Vēstures mirkļu pieturā”, sasateikūt ar piļsātnīkim labi zynomu cylvāku – ilggadejū profesionalū mediki i ari viesturis izzynuotuoju Veroniku Grišāni. Juos jau pyrms daudzim godiem pīraksteituo gruomateņa “No Rēzeknes medicīnas vēstures” eistyn aizraujūša skaiteituojim, kurus interesej itei Rēzeknis viesturis daļa. Ir tok interesna izzynuot, kod pasaruodeja pyrmuos rakstiskuos zinis par medicinu myusu nūvodā, kod Rēzeknē īsaroda pyrmais uorsts, kur atsaroda pyrmuo slimneica… Rokstūt sovu apceriejumu, jei ir izdzeivuojuse ari Rēzeknis uorstu tragiskūs liktiņus.

Spylgtuos personeibys Dr. Valda Gavara vairuokus medicinys instrumentus i personeiguos lītys, kurys paguojušajā godā muzejam nūdeve juo dāls, varēs apsavērt ekspresizstuodē. Varbyut kaida viereibu pīsaisteis 20. gs. suokumā lītuotais aparats ašņa nūlaišanai voi Pyrmuo pasauļa kara laika karalauka kirurga komplekts…

Īeja: pīaugušajim 1,42 EUR (1, 00 LVL), školānim 0,71 EUR (0,50LVL).

Ziņa sagataveita piec Latgolys Kulturviesturis muzeja dūtuos informacejis

Karteņa – Sanitaru kursu izlaidums Rēzeknis Sorkonuo Krysta slimneicā 1940. godā. Pyrmajā ryndā ūtruo nu lobuos pusis Mihalina Čudare, ūtrajā ryndā pyrmais nu kairuos pusis Dr. Silvestrs Čamāns, vydā golvonais uorsts Valdis Gavars ar dālu Valdi.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]