Nacionalajā teatrī tūp “Latgola.lv” ūtruo sereja

Nacionalajā teatrī tūp “Latgola.lv” ūtruo sereja

Latgola LVTautā īmīļuotuo Latvejis Nacionaluo teatra izruode “Latgola.lv” nūspālāta vaira kai 100 reižu, tei izruodeita ari uorpus Reigys. Nanūlīdzami “Latgola.lv” ir vīna nu teatra popularuokajom izruodem. Izruodis pamatā Danskovītis radeitūs tālu – Ontona, Annis, jūs saimis i sābru pīdzeivuojumi Latgolā.
24. aprelī tautys komedejai gaidama ūtruo “sereja”, lugys “Latgola.lv – 2” pyrmizruode. Lugys varūni palykuši tī poši – Ontans i Anne, sābri Pīters i Mare i cyti personaži. Itūreiz Ontans i Anne svieteis Zīmyssvātkus i nūsadorbuos ar tautys medicinis metožu puorbaudeišonu.

Ari ituos izruodis režisors ir Valdis Lūreņš, Ontona lūmā īsajuss Uldis Dumpis ci Pīters Līpeņš, Anne – Dace Bonāte, Pītera lūmā – Voldemārs Šūreņš, Mari atveiduos Indra Burkovska, kai ari cyti akteri nu īprīkšejuos izruodis.

Ari ituos izruodis laikā profesionalī akteri gasteja Baļtinovys pusē. Kai stuosta Nacionaluo teatra puorstuove Īva Struka: “Gasteišona vairs nav dūšonuos nazynomajā, akteri brauce pi baļtinovīšim kai pi lobim draugim.”

Vaicojūt, kur sliepās izruodis panuokumu atslāgs, Īva Struka soka: “Autoris humorā, latgalīšu volūdā, kas iz Nacionaluo teatra skotuvis skanēja pyrmū reizi, kai ari myusu breineigajūs akterūs.”

Tyvuokuos “Latgola.lv – 2” izruodis 25., 27. i 30. aprelī. Vaira informacejis teatris.lv

Karteņa: http://www.teatris.lv/lv/izrades/liela-zale/latgola-lv-2
Ziņu sagataveja: LaKuGa

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]