Latgolys fotografu seminars Preiļūs

LaKuGa 10. Marts, 2014. gods Comments Off on Latgolys fotografu seminars Preiļūs

Latgolys Fotografu bīdreiba aicynoj vysus interesentus pīsadaleit fotografu seminarā, kas nūtiks 5. aprelī Preiļu Kulturys nomā. Dasasaceit var leidz 30. martam.

Pasasokūt Latgolys Fotografu bīdreibai i tuos prīšksādātuojam Igoram Pličam, paguojušajā godā tyka izdūta unikala gruomota “Latgale fotogrāfijās”, kurā var apsavērt gondreiž 500 karteņu, kurys vaira nakai 90 fotografu uzjāmuši desmit godu laikā. Lai ari nuokūtnē varātu realizēt tikpat nūzeimeigus projektus, bīdreiba aicynoj Latgolys fotografus byut vīnuotim, uzturēt kontaktus, lai taidā veidā atsateisteitu, byutu aktivi i lītdereigi sabīdreibai.

Seminarā paradzāts runuot na tik par fotografiešonu, bet ari par latgaliskū kūpumā. Ar pīredzi daleisīs taidi lektori kai Janina Kurseite, Pīters Korsaks, Māris Maskalāns, Daiga Kalniņa, Vitauts Mihalovskis, Juoņs Streičs, Vilnis Auziņš, Valdis Pauliņš, Anatolijs Kivrins, Maija Šulga, Juris Kmins i Henrihs Soms.

Ar pylnu seminara programu var īsapazeit ite.

Dasasaceit seminaram var, syutūt e-postu breivā formā iz lauraplus@inbox.lv voi zvonūt iz 29121689.

Komentari slāgti.