“Viduslatgales pārnovadu fonds” aicynoj pīsadaleit lobdareibys akcejā

LaKuGa 15. Marts, 2014. gods Comments Off on “Viduslatgales pārnovadu fonds” aicynoj pīsadaleit lobdareibys akcejā
“Viduslatgales pārnovadu fonds” aicynoj pīsadaleit lobdareibys akcejā

“Viduslatgales pārnovadu fonds” aicynoj pīsadaleit lobdareibys akcejā “Piepildīt sapni” i zīduot leidzekļus saimem, kurymuos aug bārni ar eipašom vajadzeibom. Leidzekļu pīsaiste akcejai aizasuoce paguojušuo goda beiguos ar pasuokumu “Labs darbs divus mūžus dzīvo”, itūšaļt ir sazīduoti 1190  EUR.

Akcejā “Piepildīt sapni” par sazīduotajim leidzeklim pīpiļdeisim kaidu vielmi i duovuosim prīcu 25 bārnim invalidim i jūs saimem nu Aglyunys, Leivuona, Preiļu, Vuorkovys i Rībeņu nūvodim. Lai pīpiļdeitu vysys 25 bārnu vielmis, vēļ ir vajadzeigi 5000 EUR.

Jī ir vīni nu myusu, tok jim dzeive ir izlykuse vīnu nu gryutuokajim puorbaudejumim – nauorstejamu voi smogi slymu bārnu. Laiks, kod saimē pīdzymst slyms bierneņš voi vasalajam bārnam izbryuk ļaundabeiga slimeiba, ir napanasami gryuts. I tys maina vysu tuoluokū dzeivi. Ituom saimem ir vajadzeigs leidzcylvāku atbolsts…

Ituom saimem vajadzeigs myusu atbolsts i sajiuta, ka ari itaidi bārni i jūs vacuoki ir Latvejai vajadzeigi.  Tik mes poši varam veiduot sabīdreibu ar dvēseli, kurymā saime i pats cylvākbārns ar eipašom vajadzeibom justūs pīdereigs, vajadzeigs, nūzeimeigs, mīlesteibys i viereibys vārts. Tok saimem ar bārnim invalidim vajadzeiga na tik praktiska paleidzeiba, bet ari kaida seņ lūluota sapyna pīpiļdejums. Bārni SAPŅOJ… i sapynūs jī lidoj, maudojās jiurā, skrīn, brauc ekskursejuos kūpā ar saimi i ir dzeivisprīceigi i  vasali…

Atvērsim sirds labesteibai i kūpā sazīduosim leidzekļus, kas dūs īguļdejumu kotrā pogostā, cīmā i piļsātā, kas paleidzēs pīpiļdeit kaida moza bārna sapynu byut vasalam i dzeivuot, vacam cylvākam īdegs prīcu sirdī i smaidu sejā i kaidam studentam paleidzēs turpynuot vuiceitīs… Tik kūpā mēs varam paveikt lelys lītys!

Lai zīduotuoji varātu pīmāruot īdzeivuotuoju voi uzjāmumu īnuokuma nūdūkļu atlaidi zīduotajom summom, fondam ar LR VID lāmumu ir pīškierts sabīdryskuo lobuma organizacejis statuss.

“Viduslatgales pārnovadu fonds” par zīduojumim naītur nikaidu komisejis voi starpnīceibys moksu. Vysa zīduotuo nauda nūnuok paradzātajam mierkim. Fonda administrativuos izmoksys nateik sagtys nu jiusu zīduojumu.

Zīduojumus varat veikt i īskaitūt fonda bankys kontā, i skaidrā naudā fonda birojā  Kooperatīva ūļneicā 6, Preiļūs.

Fonda rekviziti :

Nodibinājums “Viduslatgales pārnovadu fonds”
Reģ.Nr. 40008210954
Bankas nosaukums AS “SEB Banka”
Konta Nr. LV35UNLA0050021079970

Ziņu sagataveja: “Viduslatgales pārnovadu fonds”

Komentari slāgti.