Bolvūs nūtykušys tradicionaluos dzīduošonuos meistardarbneicys
Divejis dīnys – 2014. goda 3. i 4. aprelī Bolvu Nūvoda muzejs tyka pīskandynuots ar skaneigim bolsim. 14 muzykys pedagogi nu Zīmeļlatgolys nūvodim beja saguojuši kūpā, lai smaltūs pīredzi i vuiceitūs tradicionalū dzīduošonu etnomuzikologis, profesoris, Dr.art. Andys Beitānis vadeibā.
Nūdarbeibuos varēja īpazeit A. Beitānis veiktūs pietejumus, videoīrokstūs klauseitīs autentiskūs Zīmeļlatgolys sīvu dzīduojumus, kai ari praktiski nūstyprynuot teoretiski apgiutuos zynuošonys.
Tyka īpazeiti i “tolku bolsi”, i kuozuos i cytūs gūdūs dzīdamuos Zīmeļlatgolai rakstureiguos melodejis, kai ari sagataveita programa daleibai starptautiskā pasuokumā “Lakstīgalu treļļi” Krīvejā, Dedovičūs 23. – 24.majā.
Dalinīki izsaceja lelu gandarejumu par darbneicuos dabuotajom zynuošonom i pīredzi.
Nuokamais pasuokums projekta ELRII 308 “Saglabāt, lai nepazaudētu” ītvorūs – Keramikys meistardarbneicys Jolantys i Valda Dundenīku vadeibā 11. aprelī Muokslys školā.
Ziņu sagataveja: Bolvu Nūvoda muzeja vadeituoja, Projekta koordinatore Bolvūs Iveta Supe
Igaunejis – Latvejis – Krīvejis Puorrūbežu sadarbeibys programys Eiropys sābru attīceibu i partnereibys instruments 2007-2013 finansiali atbolsta kūpeigi eistynojamus pasuokumus pīrūbežys regiona atteisteibai ar mierki uzlobuot regiona konkurētspieju, izmontojūt tuo potencialu i izdeveigū atsarasšonys vītu krystceļūs storp ES i Krīvejis Federaceju.