Aicynoj iz digitaluos latgalīšu ābecis atvieršonys svātkim

Aicynoj iz digitaluos latgalīšu ābecis atvieršonys svātkim

vLatvīšu volūdys agentura sadarbeibā ar Juri Cybuli i Lideju Leikumu ir izstruoduojuse pyrmū digitalū latgalīšu ābeci, kas jau 2014. goda majā byus pīejama vysim interesentim. Ābece ir papyldynuota ar dorba būrtneicu “Skreineite. Vuicūs raksteit” i uzziņu materialu pedagogim. Itys vuiceibu leidzekļu komplekts byus pīejams bez moksys Latvīšu volūdys agenturys sātys lopā valoda.lv
Atvieršonys svātki nūtiks 2014. goda 14. majā 12.00 Austrumlatvejis rodūšūs pakolpuojumu centrā “Zeimuļs”, Krosta īlā 31, Rēzeknē.

Jurs Cybuļs informej, ka 2014. godā aprit 246 godu nu laika, kod izdūta pyrmuo ābece latgalīšim ar nūsaukumu pūļu volūdā “Elementarz łotewski z abecadłem, krótkim katechizmem”.

Koč i piec 1934. goda 15. maja latgalīšu vuiceibu gruomotys tyka izjimtys nu školu bibliotekom i pat sadadzynuotys, vys vēļ 1937. godā Reigā apguodā “Grāmatu Zieds” izguoja Seimaņa Svennes ābecis “Mozō abece un pyrmō losomō grōmota mōjā un pyrmskūlā” 8. izdavums.

Padūmu varys godūs Latvejā nivīna latgalīšu ābece izdūta natyka.

1992. godā piec 55 godu puortraukuma apguodā “Lielvārds” izguoja jauna latgalīšu ābece (autori Jurs Cybuļs i Lideja Leikuma), kurā lītuota tai sauktuo Pītera Stroda pareizraksteiba, bet ar vairuokim jaunynuojumim.

Jaunuo latgalīšu ābece “Skreineite” ir klasiskuo tipa pyrmvuiceibys gruomota, kas paradzāta skaiteitvuiceišonai latgalīšu volūdā.

Tū var izmontuot vuicūt bārnu sātā, pyrmsškolā voi suokumškolys 1. klasē, tei paradzāta školānim, kas namuok skaiteit.

Ābece “Skreineite” sastateita piec analitiski sintetiskuos skaņu metodis. Latgalīšu ābecē pyrmais skaņu metodi lītuojs Fraņcs Kemps.

Jaunuos ābecis veiduošonā vārā jimti 2008. godā apstyprynuotī Latgalīšu raksteibys nūteikumi (Vaļsts volūdys centra Latvīšu volūdys ekspertu komisejis Latgalīšu ortografejis apakškomisejis lāmums Nr. 1).

Itei jaunuo ābece i raksteitvuiceišonys būrtneica “Vuicūs raksteit” školuotuojim i vacuokim pīduovoj īspiejis sagataveit školānu skaiteitprasmis apgiušonai, īpazeistynuot ar burtim, saskateit tūs dobā, izveiduot pošim, īvuiceit tūs vysupyrma skaiteit ziļbēs, vīgli skaitamūs vuordūs, bet piec tam ari nadaudz sarežgeituokūs vuordūs, eisūs teikumūs, vāluok ari saisteitūs tekstūs.

Dorbs ar ābeci laika ziņā nav nūteikts. Školuotuojs kotra burta vuiceišonai var veļteit tik daudz laika, cik vajadzeigs.

Informacejis olūts: valoda.lv

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]