Televizejis pyrmizruode kinai “Vīna vosora deļ vysu”

Televizejis pyrmizruode kinai “Vīna vosora deļ vysu”

20. majā Televizejis pyrmizruodi kanalā OTV pīdzeivuos Edgara Blinova kina “Vīna vosora deļ vysu”.  Tei ir myusu dīnu drama, kas stuosta par vīnkuoršu latgalīšu saimi. Kinys golvonūs varūņus apvyn problema, kas skar daudzys latvīšu saimis, – izceļuošona iz uorzemem. Golvonuo sižeta lineja – aizbraucieju i palicieju otkonsasatikšona dzymtajā Latgolys sātā.

20. majā  22.00  kanalā OTV byus radzama kina “Vīna vosora deļ vysu”. Kinys režisors Edgars Blinovs soka: “Verūtīs kinu “Vīna vosora deļ vysu”, sevkurs varēs aizadūmuot par sovu vītu Latgolā, par īspieju byut nūdereigam sovai zemei, regionam, piļsātai, napalikt vīnaldzeigam pret apleicīni, nūteikūšū, vīnkuorši byut, mīļuot, paleidzēt sovim tyvajim.” Iniciativys projekta mierkis ir uzjimt muokslys kinu latgalīšu volūdā, kab pīvārstu sabīdreibys viereibu kasdīnys situacejom i jaunīšu problemom, līkūt puordūmuot īspiejis maineit sovu attīksmi pret dzeivi i leidzcylvākim, lobuotīs, atrast sevis pylnveiduošonuos īspiejis. Vosora var byut parosta vosora – saulaina, bezryupeiga. Bet var byut ari cytaida…vysaidu nūtikšonu pīpiļdeita, mutuļojūša, darbeiga i palīkūša atmiņā, viesturē, taida, kurā koč kas tūp.

Kinys rodūšuo grupa: režisors, idejis autors – Edgars Blinovs; scenarejs – Ineta Atpile – Jugane i Ingrīda Arcihoviča; muzyka – Guntis Rasims; muokslineica – Inese Dundure. Lūmuos: Daila Ekimāne (Muora), Ilmārs Dreļs (Vikters), Andrejs Rudzinskis (Mārteņš), Diāna Bernāne (Dzintra), Olga Jermakova (Ilze), Valentīna Oborenko – Urtāne (Tekle) i cyti. 

2014. goda 1. janvarī apraidi Latvejā suoce nacionalais kanals OTV, kū puorstuov SIA “Ogres televīzija”. Kotru dīnu OTV veidoj 18 stuņžu programu, kur teik puorraideiti na tik sabīdriskuo pasyutejuma raidejumi, bet ari ikvokora zinis, puorraideitys kinys, diskusejis, sporta i kulturys raidejumi.

*Kinys atkuortuojums byus radzams 24. majā 12.10 kanalā OTV.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]