Jau īprīkš izskaniejs, ka Daugovpiļs teatris sadarbeibā ar Daugovpiļs Dizaina i muokslys vydsškolu “Saulis škola” organizej studeju kursu tūpūšajim akterim. Niu Latvejis Republikys Izgleiteibys ministreja ir apstyprynuojuse jaunū studeju programu ar specialitati –Teatra akters. Partū jau itūšaļt Daugovpiļs teatris i “Saulis škola” aicynoj vysus, kas sapņoj par profesionalu teatra karjeru, stuotīs kursā – Teatra akters. Apvuiceibys nūtiks “Saulis školā”, suocūt ar 2014. goda 1. septembri. Nu vuiceibu Kulturys akademejā itys pīduovuojums atsaškiers na tik ar apvuiceibu ilgumu, bet ari ar tū, ka absolventi piec školys beigšonys nadabuos bakalaura gradu, nu klius par diplomeitim specialistim ar dorba vītu teatrī, partū ka kurss vysupyrma teik formiets ar mierki papyldynuot Daugovpiļs teatra trupu.

Kursā var tikt īskaiteitys personys vacumā nu 18 leidz 40 godu, kam ir atestats par videjū izgleiteibu. Dokumentus suocūt nu 2. juņa leidz 31. juļam ir juoīsnādz “Saulis školā” (Paruodis īla 7). Seikuoka informaceja “Saulis školys” sātys lopā.