Kai Rēzeknē svieteja Leigū

Kai Rēzeknē svieteja Leigū

Rēzeknē Leigū aizritieja skaneigi i ļusteigi – kūpeigi saveiti i zuoļu, i ūzula zoru vaiņuki, sasītys vysmoz symts pierts slūteņu, drūsmeigī veiksmeigi izapāruši mobilajā pierteņā, izgaršuoti vysaidi lauku sīri i nūreibts nu ols, dzīšmu i deju.

23. juņa piecpušdīne Rēzeknis Festivala parkā aizritēja darbeiguos nūskaņuos – cikom vīni īsapierka tierdzeņā, tikom cyti vērēs, kai saimineica Inese Survilo no Aglyunys (gostu sāta “Upenīte”) vuorej sīru. Leli i mozi poši sev nūvyna i piec tam rūtuojuos ar zuoļu i ūzula zoru vaiņukim, cyti izmontuoja vareibu i sadarbeibā ar Latvejis Muokslys akademejis Latgolys filiali īsavuiceja sasīt svaigu bārza slūteņu, vēļ cyti devēs nūsapērt mobilajā pierteņā, kū Rēzeknis upis krostā beja atveds saiminīks Ilmārs Lociks (SK “Beibuks”) nu Daugovpiļs nūvoda Naujenis pogosta.

Vokorā rēzeknīši boguoteigi papyldynuoja sovys lobūs emoceju rezervis, nu sirds izasmejūt par Mikeļa lelo preciešonuos grybu i jaunajom zynuošonom mīlys jūmā. Rēzeknis Tautys teatra komedeja “Patentēts inteligents” aba “Kai Mikeļs precētīs gribēja” iz breivdobys skotuvis izavērte kai vītejuos “skrūderdīnys”.

Laiks rēzeknīšus lutynuoja i, dzīžūt leidza folklorys kūpai “Rūta”, tyka īdagts muokslinīka Gundara Kozlovska latvju rokstim rūtuotais gunkurs, kas mirdzieja puori Rēzeknis pakolnim leidz pat reita gaismai i atspeidieja lelūs i mozūs doncuotuoju acīs i smaidūs, kuri ļustēja zaļumbalā kūpā ar grupu “Baltie lāči”.

Kartenis: Rēzeknis Kulturys i Turisma centrs


Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]