Atklojūt Tierga cīmu Malnovys maizneicā “Dzīles”, 29. junī Kuorsovys nūvods sūlej garšys, skanis i dvēselis ceļuojumu latgalīšu mentalitatis nūskaņuos.

Tradicionaluo Pīterdīna Kuorsovys nūvodā tiks īsuokta 11.00 ar nasteidzeigom breivdīnu brūkaškom uorpus sātys. Byus vareiba degustēt Latgolys sātys ražuotuoju pīduovuojumu, baudeit i īsaguoduot zivs nu zylajim Latgolys azarim, ekologiskus cyukgalis veitynojumus, pošbryuvātu aļteņu, svaigi sītus sīrus, Latgolys uorēs augušus čajus, madu i, prūtams, aromatiskū Dzīļu maizi.

Svātku nūskaņu varēs turpynuot 17.00, dūdūtīs iz Vargaņu dīnu koncertu Malnovys katuoļu bazneicā, Kuorsovā. Vargaņu stabuļu daudzveideigais skaniejums veiduos impresionistiskuos kruosys, sasavynūt kūpā ar saksofonam rakstureigū tembru i vokalū bolsu maigū koloritu.

Pīterdīnys svineibuos Kuorsovys nūvodā byus vareiba dūtīs garšys i skanis ceļuojumā, kurā varēs baudeit Latgolys lauku lobumus i nūslāgumā muzykalū instrumentu karali – varganis.

Vaira informacejis par vālajom brūkaškom pi saimineicys Ainys (26538016, dziles@dziles.lv)

*vāluos brūkaškys