Rēzeknis organizacejis aicynoj dasasaceit piļsātys svātku guojīņam

Rēzeknis organizacejis aicynoj dasasaceit piļsātys svātku guojīņam

Tradicionali augusta pyrmajā nedeļā – nu 1. leidz 3. augustam – Rēzeknē nūtiks piļsātys svātki. Itūgod svātku moto ir “Jiura da ceļu”, īzeimejūt i Jiurys spāku flotis krosta apsardzis patruļkuģa “Rēzekne” īlaisšonu iudinī, i Rēzeknis izaugsmi, pozicionejūt nūstuoju, ka vyss ir īspiejams, ka viņ cīši grybom sovu piļsātu atteisteit.

2. augusta vokorā Rēzeknis uzjiemieji, firmys, bīdreibys, sabīdryskuos organizacejis, pošvaļdeibys īstuodis (nūdalis) i dīnasti, organizacejis i kolektivi teik aicynuoti ar atraktivom prezentacejom pīsadaleit Rēzeknis piļsātys svātku guojīnī pa Atbreivuošonys aleju i īpazeistynuot plašuoku publiku ar sovu īstuodi voi  uzjāmumu, darbinīkim i pīduovuojumu!

2. augustā suocūt nu 19.30 puļciešonuos Atbreivuošonys alejā (pi veikala “Mego”), lai dūtūs kruošņā i energiskā guojīnī!

Par rēzeknīšim seņ stuosteitys legendys kai par atraktivim i pozitivi nūskaņuotim ļaudim. Pīruodit sovu unikalitati svātku guojīnī! Eipašys ovacejis guojīnī izapeļnēs tī, kas īvāruos ituo gods svātku saukli – “Jiura da ceļu” i sovā prīšknasumā īdvess jiurys vēsmis!

Guojīņa suokums 2. augustā 20.00

Guojīņa maršruts – pa Atbreivuošonys aleju (nu Atbreivuošonys alejis i Kr.Valdemāra īlu kristceļu (pi veikala “Mego”) leidz Festivala parkam, Pils īlā 7)

Dasasaceišona guojīņam leidz 28. juļam, aizpyldūt dasacejuma anketu.

Karteņā: LgSC puorstuovi 2013. goda svātku guojīnī

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]