Nu 24. leidz 26. juļam Vileks nūvodā nūtiks tradicionalūs prasmu saglobuošonys meistardarbneicys tradicionalajā dzīduošonā, muzykys instrumentu spēlē, ausšonā i boltuos maizis cepšonā.

24.-26. julī Medņevā i Upītē Tradicionaluos dzīduošonys meistardarbneicys. Tū vadeis etnomuzikologe Lauma Bērza. Itamā darbneicā byus vuiceitīs dzīduot kūpā, uzlobuot dzīduošonys tehniku (dzīdelpys pylnveidi, vysaidys skaņveidis, rezonatoru i artikulacejis pylnveiduošonu), kai ari vuiceitīs tradicionalūs bolsus.

24.-26. julī Medņevā i Upītē Tradicionalūs muzykys instrumentu spēlis darbneica. Tū vadeis etnomuzikologe Liene Brence. Darbneicā byus vareiba īsapazeit ar vysaidim, myusu pusei rakstureigim instrumentim, vuiceitīs spielēt piec dzierdis, īsavuiceit Zīmeļlatgolai rakstureiguos melodejis.

24.-25. julī Upītē Tradicionaluo ausšonys meistardarbneica. Tū vadeis Ligita Spridzāne.

1. dīna
Īsapazeišona ar Ziemeļlatgolys grīzainem (celainem); Grīzaiņu (celu jūstu) ausšonys pamatprincipu vuiceišonuos.

2. dīna

Īsapazeišona ar ausšonu aužamejūs stuovūs; Matu uzmesšona; Stuovu (steļļu) īkuortuošonys pamati; Lupotu deča ausšona.

26. julī Susuoju pogosta muzejā “Vieršukolns” Boltuos maizis cepšonys meistardarbneica. Meistardarbneicu vadeis kulturviesturis muzeja “Vieršukolns” vadeituojs Aldis Pušpurs. Meistardarbneicā byus vareiba īsavuiceit ījaukt maizeiti, pareizi izkurynuot maizis cepli, apmeiceit maizeiti, īlaist ceplī, degustēt.

Meistardarbneicom var dasasaceit zvonūt pa telefonu 26699149 (Sandra Ločmele). Vītu skaits īrūbežuots.