Cyblā nūtiks “Styprūs skriejīņs”

Cyblā nūtiks “Styprūs skriejīņs”

23. augustā 9.00 Cyblys peintbola laukuma teritorejā nūtiks nūtiks “Styprūs skriejīņs” – atraktivys saceņseibys, kas ītver klasiskuo skrīšonys krosa, vysaidu veikleibys i spāka disciplinu elementus. 

Saceņseibys nūtiks 3 grupuos: sīvīšu, veirīšu i komandu. Vīnā komandā juobyut 3 dalinīkim, nu kurim vysmoz vīnai juobyut sīvītei. I individualuos, i komandu grupu dalinīkim obligati juobyut sasnāgušim 18 godu vacumu.

Trasis garums byus apmāram 4 kilometri, tamā byus 33 dabiski voi muoksleigi veiduoti škieršli. Saceņseibu kontrollaiks – 2 stuņdis.

Saceņseibu programa:

9.00-10.30 Īsarasšona i registraceja
10.30-11.00 Dalinīku sapuļce
11.10 Starts sīvītem
13.00 Starts veirīšim
15.00 Starts komandom
17.30 Kontrollaika beigys
18.00 Apbolvuošona

Registraceja saceņseibom niu nūteik, rokstūt e-postu iz aldons777@inbox.lv, nūruodūt sovu izvālātū saceņseibu grupu, vuordu, pavuordi i dzimšonys godu. Treis dīnu laikā piec tam juopuorskaita ari daleibys moksa. Leidz 15. augustam individualajim dalinīkim tī ir 7 EUR, komandom 25 EUR.

“Styprūs skriejīņa” nūslāgumā bolvys sajims na tik dreizuokī dalinīki, nu atseviški tiks vierteitys ari nominacejis “Smīkleiguokais tārps”, “Komiskuokuo fryzura”, “Cīnejamuokais dalinīks”, “Vysmozuok apsaviļcs”, kai ari “Kūšuokuo komanda”.

Vaira informacejis par saceņseibom var izzynuot tūs nūlykumā.

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]