2. augustā, Rēzeknē, piļsātys svātku ītvorūs, Rēzeknis Sporta Puorvaļdis centra teritorejā i “SELVER” stuovvītā jau trešū godu piec kuortys i ūtrū reizi itūgod nūtyka īlu sporta i kulturys pasuokums “STREET GAMES” 2. pūsms, kuru itūgod reikuoja “Ghetto Games” Rēzeknis alianse sadarbeibā ar Rēzeknis piļsātys Jaunīšu dūmi.

“STREET GAMES” ītvorūs saceņseibys nūtyka 3 sporta veidūs: īlu basketbolā, īlu futbolā i īlu florbolā, kai ari Rēzeknis aktivuokī doncuotuoji breineigi pavadeja laiku īlu dejuos. Pasuokuma laikā beja vareiba pīsadaleit vysaidūs konkursūs kai, par pīmāru, “Zalta rūka”, drafta čempionats, kurūs līderi izaruodeja rēzeknīši Armands Omuls i Artjoms Butjankovs. Paraleli īlu basketbolam tyka reikuots īlu basketbola turnirs 1×1, kurā jaunīši sasaceņte izlūzis seceibā. Itymā turnirā triumfēja i golvonū bolvu 50 EUR apmārā dabuoja Niks Saknītis.

Kūpumā 3 sporta veidūs pīsadaleja 63 komandys: 24 basketbolā, 25 futbolā i 14 florbolā, tai puļcejūt vaira nakai 200 jaunīšu.

2. augusta “STREET GAMES” laureati:

Florbols. Jaunuokuo grupa
Florbolā, jaunuokajā grupā puorlīcynūši sevi pīruodeja “Baloži”, kuri puostuovēja Kuorsovu, ūtrī palyka “Troks voi” i trešuo vīta vītejai komandai “Lāči”.
1. vīta – “Baloži” (Elvis Zeiļuks, Ēriks Starodumovs, Dairis Rubulis)
2. vīta – “Troks voi” (Armands Ivulāns, Aigars Brīvers, Oskars Ivulāns)
3. vīta – “Lāči” (Vadims Nikiforovs, Maksims Kosnikovskis, Sergejs Červjakovs)

Florbols. Vacuokuo grupa
Sovukuort vacuokajā grupā stypruokī izaruodeja rēzeknīšu puorstuovātuo komanda “Grehsizijnos”, sudobru dabuoja “Rēzekne” i bronza tyka “Kvasovs” rūkuos.
1. vīta – “Grehsizijnos” (Igors Kalnačs, Marks Višņakovs, Maksims Terehovs, Aleksandrs Grehovs)
2. vīta – “Rēzekne” (Vitālijs Dunkins, Sergejs Vorobjovs, Vitālijs Krištopovs, Vitālijs Jermakovs)
3. vīta – “Kvasovs” (Aleksejs Čakovs, Arturs Kvasovs, Māris Kozlovskis, Edgars Stafeckis)

Futbols. Vacuokuo grupa
Futbolā čempionu titulu dabuoja “Maestro un Co”, kurim ar minimalu puorsvoru pīsakuope reidzinīki “AK-37”, bet trešū vītu dabuoja komanda “Makarovka”.
1. vīta – “Maestro un Co” (Uģis Kļaviņš, Arvis Kašačkovs, Ervīns)
2. vīta – “AK-37” (Tomas Ragauskas, Aleksandrs Krajevs, Aleksandrs Šapovalovs)
3. vīta – “Makarovka” (Rihards Ivanovs, Iļja Piskunovs, Maksims Ščavinskis, Andrejs Rezvods)

Futbols. Jaunuokuo grupa
Jaunuokajā grupā lobuokī izaruodeja Rēzeknis puorstuovātuo komanda “RFA”, kai ūtrī sevi pīruodeja “Plauša netur”, kur aktivai spielēja kaida dāma, sovukuort trešī palyka “TFK”.
1. vīta – “RFA” (Jānis Rudzinskis, Daniils Čerkasovs, Žanis Sprukts, Pēteris Ivenkovs)
2. vīta – “Plauša netur” (Dainis Sondors, Andris Počs, Laura Sondore)
3.vīta – “TFK” (Ņikita Bovkuns, Aleksejs Ivanovs, Eduards Vigups)

Basketbols. Sīvītis i jaunuokuo grupa
Basketbolā turnirs rysynuojuos dīzgon intresanti, partū ka dāmys sasaceņte ar mozajim suoncenšim, rezultatā jaunīšu komanda nu Rēzeknis “Ball Busters” naļuove puorspēt sevi mārgom, leidz ar tū ūtrū vītu dabuoja daugovpilītis “SIGMA” i trešajā vītā īsarynduoja vītejuos “KIKA”.
1. vīta – “BALL BUSTERS” (Jānis Kļava, Reinis Strankaļs, Edgars Reidzāns, Erlends Juškāns)
2. vīta – “SIGMA” (Lidija-Viktorija Artiševska, Laura Gribuste, Marija Lagune, Santa Baltace)
3. vīta – “KIKA” (Kristiāne Urtāne, Inga Kaša, Marta Nalivaiko)

Basketbols. Vacuokuo grupa
Vacuokajā grupā vysleluokajā konkureņcē nu vysu kategoreju zaltu dabuoja komanda “KLUCANTRE MAKI”, puorlīcynūši pīveicūt finalā Rēzeknis puorstuovātū “Ezerzeme”. Daugovpilīši nu “IVS-D/Dautkom” itūreiz trešī.
1. vīta – “KLUCANTRE MAKI” (Niks Saknītis, Armands Omuls, Maksims Peiners, Mārtiņš Šteinbergs)
2. vīta – “Ezerzeme” (Aleksejs Grehovs, Artūrs Šķesters, Renārs Bulduris, Jānis Masaļskis)
3. vīta – “IVS-D/Dautkom” (Ivans Gļeba, Vasilijs Naumovs, Iļja Ivanovs, Māris Umbraško)

Uzvarātuojim tyka padūtys bolvys nu “Ghetto Family”, Skreiveru Soldonumu, “Crystal Rose” i konditorejis “Kraģītis”. Kai ari vacuokūs grupu 1. vītys vysūs sporta veidūs izceineja vareibu pīruodeit sevi Ventspilī “Ghetto Games” festivalā.

“Ghetto Games” festivals Ventspilī nūtiks 8.-10. augustā. Tys ir Baļtejā leluokais īlu kulturys i sporta festivals.