“Cytaidi latviskais”. Andreja Svilāna pīturuos Salaspilī i Varakļuonūs

LaKuGa 1. Septembris, 2014. gods Comments Off on “Cytaidi latviskais”. Andreja Svilāna pīturuos Salaspilī i Varakļuonūs

Itys “Cytaidi latviskais” stuosts ir pyrmais diveju godu viesturē, kura vīna epizode īraksteita uorpus Latgolys nūvoda. Majā  komandiejums iz Latgolu suocēs ar pīturu Salaspilī, taišni Nacionalajā Botaniskajā duorzā, kura saimisteibu puorzynoj tuo direktors Latgolys patriots Andrejs Svilāns. Vēļ zīdēja rododendri, kod Andrejs izruodeja Botaniskuo duorza, piec juo dūmu, skaistuokūs augus i vītys. Myusu stuosta varūņs tok atzyna , ka ik pa laikam Salaspilī pītryukst eistyn latgaliskuo kolorita.

Vosorys vydā “Cytaidi latviskais” brauce iz Varakļuonim, kas ir botanika i dendrologa Andreja Svilāna dzymtuo puse. Dzejnīks Valentins Lukaševičs devēs leidza Andrejam Svilānam redzēt tuos Latgolys pļovys, kuruos Andrejs, vēļ školys puika byudams, pagaisa dīnom, kab pieteitu, īraudzeitu i atrostu sovu aicynuojumu- izzynuot naizzynomū augu pasauli.  Byusim ari Andreja školā, apraudzeisim leluos Strodu dzymtys kopus i vērsimēs, kaidi ir Varakļuoni šudiņ. Nacionaluo Botaniskuo duorza direktors runuos par paguotni i nuokūtni, par tū, kas kūpeigs vysim latgalīšim,  jūkuos par sevi i kasdīnu i byus nūpītns, kod saruna īsavierzēs tyvuokajuos nūtikšonuo – jauns vuiceibu gods i kuortejuos vieliešonys.

cytaidi latviskais svilans

Komentari slāgti.