Aicynoj dasasaceit regionalajai jaunatnis dorba konfereņcei

Aicynoj dasasaceit regionalajai jaunatnis dorba konfereņcei

Plakats (1)26. septembrī vīsneicā “Dinaburg” (Dūbelis īla 39, Daugovpiļs) nūtiks Latgolys regionaluo jaunatnis dorba konfereņce “Jaunatnis dorba nūzeime jaunīšu iniciativu atteisteibai regionūs”. Dasasaceit var leidz 16. septembram.

Konfereņcē aicynuoti dasasaceit jaunīši, pošvaļdeibu (tymā skaitā – pošvaļdeibu jaunīšu centri), vaļsts i navaļstiskuo sektora puorstuovi.

Regionaluos jaunīšu konfereņcis “Ievirzi Latgali” mierkis ir apzynuot jaunatnis dorba lūmu i nūzeimi jaunīšu aktivitatis veicynuošonā Latgolys plānuošonys regionā, kai ari veicynuot jaunatnis dorbā īsaisteitūs pušu sadarbeibu i pīredzis apmaiņu.

Latgolys regionalajā konfereņcē vīnuvīt byus vareiba:

  • Satikt 100 cylvākus, kuri dūmoj, ka jaunīši ir resurss Latgolys atteisteibai;
  • Izzynuot situaceju Latgolys plānuošonys regionā jaunīšu dorba aktivitatis veicynuošonys kontekstā;
  • Īpazeit jaunīšu veiksmis stuostus vītejā i storptautiskā mārūgā;
  • Tikt pi jaunys pīredzis i pīdzeivuot dažaideibu diskusejuos.

Pasuokuma programa.

Daleiba konfereņcē ir bez moksys. Dalinīkim tiks nūdrūšynuota iesšona i izdalis materiali. Pošim byus juopasaryupej par tikšonu leidz konfereņcis nūtikšonys vītai – vīsneicai “Dinaburg” Daugovpilī.

Lai dasasaceitu konfereņcei, juoaizpylda dasacejuma anketa http://ejuz.lv/ievirzilatgali leidz 16. septembram.

Par rezultatim vysi tiks informēti leidz 18. septembram. Vaicuojumu i naskaidreibu gadīnī var raksteit voi zvaneit Mudītei Kiseļova, t: 23467137, e-posts: mudite.kiselova@gmail.com.

Vītu skaits ir īrūbežuots – 100 dalinīku.

Konfereņci organizej Jaunatnis storptautiskūs programu agentura (JSPA) sadarbeibā ar bīdreibu “Jaunatnis līderu koaliceja” i bīdreibu “Dīnvydlatgolys NVO atbolsta centrs” (JSPA regionalais sadarbeibys partners Latgolys regionā) Latvejis i Šveicis sadarbeibys programys “Atbolsts jaunatnis iniciativu atteisteibai attuolūs voi mozatteisteitūs regionūs” ītvorūs.

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]