“Vēstures mirkļu pieturā” itūreiz par vieliešonom

“Vēstures mirkļu pieturā” itūreiz par vieliešonom

Oktobra pyrmuos dīnys ir paguojušys dīzgon saspryngtā jutūnē – ir nūtykušys Saeimys vieliešonys, piec skaita jau divpadsmytuos. 14. oktobrī “Vēstures mirkļu pieturā” byus vareiba īsavērt Latvejis paguotnē, kas saistuos i ar pošvaļdeibu vieliešonom, i Saeimys vieliešonom. Latgalīši jau nu 20. gs. suokuma aktivi īsasaistejuši vaļsts i pošvaļdeibys politiskajā dzeivē i veiduojuši sovys partejis – pyrmuo latgalīšu parteja “Latgolys Dorba ļaužu parteja” tyka izveiduota 1917. godā. Kūpumā pyrmuos Latvejis breivvaļsts laikā (1920 – 1940) beja izveiduotys i dorbuojuos vaira kai pīcpadsmit latgalīšu partejis i tūs puorstuovi aktivi aizstuovēja Latgolys tīseibys Saeimā.

Taipat ari politiskuo rūseiba nūtyka Rēzeknis piļsātā, kur Latvejis pyrmuos breivvaļsts laikā Rēzeknis piļsātai bejuši ostoni vadeituoji, nu cik tūs ir bejs atjaunuotajā Latvejis Republikā? Rēzekne ir vīna nu dažom pošvaļdeibom, kur vieliešonys ir nūtykušys atkuortuoti (2005. godā), nu, voi itei ir vīneiguo reize i parkū? Tū varot izzynuot “Vēstures mirkļu pieturā” Latgolys Kulturviesturis muzejā, kas byus veļteita Saeimys i pošvaļdeibu vieliešonom, saleidzynojūt, kai tuos nūtyka i Latvejis pyrmuos breivvaļsts laikā, i myusu dīnuos – cik i kaidys vieliešonys ir bejušys Rēzeknē i Latvejā, kaidys partejis ir veiduojuši latgalīši i kas beja tī, kas puorstuovēja vālātuojus vaļsts i pošvaļdeibu leimenī, taipat ari, kai tyka “īspaiduota” vālātuoju izviele – nu reali padareitu dorbu leidz bolsu pierkšonai.

“Vēstures mirkļu pietura” 14. oktobrī 14.00. Īīšona: pīaugušajim 1,50 EUR, školānim 0,80 EUR.

Karteņa nu LKM kruojuma – Rēzeknis piļsātys vaļdis darbinīki 30. godūs

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]