25. oktobrī nu 10.00 Ludzys Omotnīku centrā nūtiks Rudiņa Zaļais tierdzeņš. Pasuokumu eipašu padareis paradzātuo Latvejis Radejis tīšraide nu poša tierga laukuma.

Sastdiņ Ludzā sabrauks sātys ražuotuoji i meistari, kas pīduovuos sovus ražuojumus: galis izstruoduojumus, sīrus, biškūpeibys produktus, maizi, peirāgus, duorzeņus, dabiskuos sulys, sātys olu, lyna i vylnys izstruoduojumus, rūkdorbus, stuodus i daudzys cytys vierteigys lītys.

Kūpā ari tiks gatavēta i baudeita jāra galis zupa i sīts sātys sīrs, kai ari uzdzīduots ar folklorys kūpu i izzynuoti senejī ticiejumi.

13.00 no tierga plača byus Latvejis Radejis tīšraide. Tys nūtiks raidejuma “Brīvdienu ceļojums” ītvorūs. Tū veidoj Latvejis Radeja i Turisma atteisteibys vaļsts agentura. Raidejuma ideja ir nūdrūšynuot gondreiž stuņdi garys tīšraidis nu vysim Latvejis kulturviesturiskajim nūvodim, kab sasatiktu ar tīnis ļaudim i atrostu kotra nūvoda eipašū nūskaņu. Jau izskaniejuši raidejumi nu Cēsim, Tērvetis i Rucovys, niu kuorta Ludzai. Raidejums suoksīs 13.05, piec tam tū byus vareiba nūsaklauseit ari škārsteiklā.