Piecpušdīne svātku nūskaņuos Rēzeknis Muokslys nomā

Piecpušdīne svātku nūskaņuos Rēzeknis Muokslys nomā

Itūmienes tradicionaluo Latgolys Kulturviesturis muzeja Viesturis saļteņu pītura nūtiks svātku nūskaņuos 11. novembrī 14.00 Rēzeknis Muokslys i dizaina vydsškolys Muokslys nomā.

Novembris kai vysod sasaistuos ar vaļsts svātku nūskaņom, i Latgolys Kulturviesturis muzejs Luočplieša dīnā, 11. novembrī, pīduovoj piecpušdīni pavadeit vīnā nu skaistuokajom Rēzeknis ākom, kas calta 19. gs. beiguos i rūtuota ar dažaidim kūkgrīzumim – Rēzeknis Muokslys i dizaina vydsškolys Muokslys nomā – 18. novembra īlā 26.

Byus vareiba arhitekturys i interjera apsavieršonu papyldynuot ar ākys viesturis izzynuošonu, partū ka āka vairuokys reizis ir mainejuse sovu pīlītuojumu – nu sovrupnoma leidz kara komisariatam, kai ari īpazeit Latgolys muokslinīku dorbus nu 20. gs. treisdasmytajim godim leidz myusu dīnom ekspozicejā “Latgolys gleznīceiba”, kas veiduota nu Latgolys Kulturviesturis muzeja kruojumā asūšajim muokslys dorbim. Ari dažim nu izcyluokūs Latgolys muokslinīku itys ir jubileja gods, tai, par pīmāru, Fr. Varslavānam itūgod oktobrī byutu apritiejuši 115 godi, nu V. Kalvānam – 105 godi. Ateimit, izzynojit i redzit itū i cytu muokslinīku dorbus!

Īīšona: pīaugušajim 1,50 EUR, školānim 0,80 EUR.

Karteņa: nu Latgolys Kulturviesturis muzeja kruojuma. Rēzeknis pedagogiskuos vydsškolys školuotuoju i školānu kolektivs, školānu vydā Juoņs Tumaņs. 20. gs. 20. g.

Print Friendly, PDF & Email

Kalenders

Mar
28
Cat
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]
Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]