Latvejis Radejis 2 reikuotajā dzīšmu aptaujā “Muzykaluo Banka” latgalīšu grupa “Dabasu Durovys” ar kompoziceju “Sejas Grāmata” tikuse finalā. Nūslāguma bolsuojumā kūpumā pīsadola 15 dzīsmis i ceinās par 2014. goda vierteigukuos dzīsmis titulu. Uzvarātuoju nūteiks jamūt vārā klauseituoju bolsuojumu (50%) i ekspertu žurejis bolsuojumu (50%).
Bolsuot var da 15. janvara:

– muzikalabanka.lv (bolsuojumu apstyprynoj, izmontojūt socialūs teiklu paroli)

– portalā nra.lv (bolsuojumu apstyprynoj ar IP adresi)

– portalā draugiem.lv (portala lītuotuoji)

Aptaujis apbolvuošonys ceremoneja nūtiks 24. janvarī Olimpiskajā centrā “Ventspils”, kurā klauseituojus prīcēs ari “Dabasu Durovys”.