Nav daudz laika paguojs Jaunajā godā, kod ļusteigs, kruošnis trikmīņs nūtics jaunūs muokslinīku dzeivē Latgolā – Špogu Muzykys i muokslys školā. Nasaguoja iļgi iz cepļa sēdēt jaunajim censūnim nu Kruoslovys, Daugovpiļs, Ludzys i Naujinis. Vajag šyut, knīdēt, lūceit, grīzt, lepēt, kruosuot i merkavuot kostjumus mūdis skatei – konkursam „Karnavals”. Divejuos vacuma grupuos – da 12 godu i piec 12 godu žurejis viertiejumam tyka atruodeitys 8 kolekcejis: „Kaktusi pavasarī”, „Borā syltuok”, „Zīma – pavasars 2015” (Daugovpiļs muokslys školys Saulis škola), „Kugi dabasūs” (Naujenis Muokslys škola), „Selfijs” (J. Soikana Ludzys muokslys škola), “Trokuos kartona lelis”, „Papeira čirkys” (Špogu Muzykys i muokslys škola), „Sastais elements” (Kruoslovys Muokslys škola). Apgierbs unificejās i gondreiž vysu var nūpierkt par naudu. Par tū roduos ideja, ka var radeit koč kū sovom rūkom sviežnuoku i apsazynuot sovu unikalitati kolektivā, i caur tū sajust kūpā byušonys spāku gon prīcā, gon dorbā, gon gryuteibuos, gon uzvaruos i zaudiejumūs.

Mūdis skatis prīšknasumus skateituoji i žureja tiemēja divejuos daļuos – jauonuokū i piečuok vacuokū grupu. Pauzis ar breineigu muziciešonu i dzīsmem pīpiļdeja Špogu Muzykys i muokslys školys absolvente Laura Bicāne.

Partū ka poši vysuos nūtikšonuos bejom īškā, partū kai veicēs cytim, skaitit i tiemejit Daugovpiļs nūvoda sātys lopā. Vacuokajā vacuma grupā laurus plyukt gūds i prīca beja mums – J. Soikana Ludzys muokslys školai ar kolekceju „Selfijs”. Idejis autore ir Līga Romancāne, muzyku pīmeklēja i nūsaukumu deve Paula Baranova.

Lelā pateiceibā par nūtykumu i cereibā iz tū, ka tei byus tradiceja
JSLMS vuordā Vuorkaļu Sandra.

Īskotam kostjumi nu mūdis skatis: