Leivuona nūvodā nu 18. da 25. marta tiks izruodeita režisora Normunda Puča kina “Segvārds Vientulis”.

Kina viestej par Vonogu draudzis katuoļu prīstera Ontona Juhņeviča tragiskuo dzeivis stuosta beigu pūsmu, kas nūsarysynuoja Latvejai i Latgolai viesturiski dramatiskūs apstuokļūs.

Kinys centrā ir prīstera Ontona Juhņeviča īkšejais konflikts storp gareidznīka morāli ētiskajim uzstuodejumim i patriotisma jiutom, kas līk jimt rūkā īrūci, lai aizstuovātu Tāvzemi i Bazneicu laikā, kod Latgolā atsagrīž padūmu okupacejis režims.

Kinys scenarejs tops sadarbeibā ar viesturnīkim Juoni Viļumu, Inesi Dreimani i Ritvaru Jansonu.Kinā tāloj profesionali aktīri – Vairis Piņķis, Vilis Daudziņš, Ieva Aniņa i cyti. Kinā dzierdama ari latgalīšu volūda.

Režisoram Normundam Pucim, kurs ir ari scenareja autors, itei ir debeja kina.

Muzyku kinai sarakstejs storptautiski atzeitais latvīšu goreiguos muzykys komponists Rihards Dubra.

Kino seansi Leivuona nūvodā:
18. martā 15.00 i 18.00 Leivuona nūvoda KC
19. martā 14.00 Jersikys TN
20. martā 14.00 Turku SN
21. martā 14.00 Rūžupis KN
25. martā 14.00 Rudzātu SN

Īīšonys moksa: € 1,00