Latgalīšu sleja žurnalā “Ir” par medejim i kritiskū dūmuošonu

LaKuGa 26. Februars, 2015. gods Comments Off on Latgalīšu sleja žurnalā “Ir” par medejim i kritiskū dūmuošonu
Latgalīšu sleja žurnalā “Ir” par medejim i kritiskū dūmuošonu

Reizi mienesī žurnalā “Ir” teik publicāta latgalīšu sleja, kas viestej par aktualom nūtikšonom i vaicuojumim. Februara sleju ir sarakstejuse Latvejis Radejis 5 – pieci.lv žurnaliste Daira Kokoreviča.

Slejis autori ir dažaidi Latgolys ļauds — kotru reizi cyts autors, cyta aktualitate, cyts stuosts. Autori teik aicynuoti eisā rokstā izsaceit sovu redziejumu par latgaliskū pasauli i latgaliskuo vītu pasaulī, pastuosteit par sovu pīredzi voi izsaceit sovu redzīni par aktualim vaicuojumim i nūtikšonom.

Daira stuosta par tū, ka Latgolai ir pasaveics byut Eiropys vuortim iz austrumim i rūbežam ar Krīveju, leidz ar tū daudzu Latgolys dzeivuotuoju izpratni par austrumu Lelū Bruoli veidoj vītejī i Krīvejis medeju ziņu izplateituoji. Golvyspiļsātā atbiļdeigī sprīž: nazkas juodora lītys lobā, cylvākim baroj propagandu! Voi juolīk koč kas preteimā?

“Mani dreižuok uztrauc tys, kai likt cylvākim dūmuot leidza i kritiskai izviertēt piļneigi vysu informaceju, kas ir apleik?” sprīž Daira. “Prūtams, ir informaceja, kas uzrunoj emocionali i vaira īt pi sirds. Taidai ruodīs vīgļuok ticēt. Bet, ka pasaveram nu vīnys pusis, tod – nu ūtrys, tod vēļ plašuok i vēļ dziļuok? Ka aizadūmojam, kur apgolvuojumim i informacejai aug kuojis? Kas tū soka i deļkuo?”

Dairys Kokorevičys rokstu skaiti ituos nedelis (26.02.-4.03.2015.) žurnalā “Ir” voi ari škārsteiklā ite.

Komentari slāgti.