Aglyunā nūsasliedzs Naaizmierstulei veļteitais konkurss

Aglyunā nūsasliedzs Naaizmierstulei veļteitais konkurss

12. martā Aglyunys vydsškolā pozitivā, sirsneigā i rodūšā jutūnē tyka svieteits kaids eipašs jubilejs – 10 godu palyka latgalīšu dzejneicai, prozaikei, dramaturgei, sabīdryskajai darbineicai i Tautys školuotuojai Naaizmierstulei (eistajā vuordā Rozālejai Tabinei) (1890 – 1965) veļteitajam Latgolys nūvoda školu jaunradis dorbu konkursam, kura idejiskuo autore ir školuotuoja Monika Pušņakova.

Itys pasuokums izstoroj sovu eipašū gaismu i energeju, tam ir ari kaida naparosta lobūs dūmu apmainis plyusma, partū ka itymā pozitivajā pavasara saītā pīsadola daudz gudru, rodūšu, interesantu i goreigi spieceigu cylvāku. Partū grybu citēt Maizis muzeja mamys Vijis Kudenis saceitū, ka ite “mes vysi augam gareigi” – i jaunī literati, i jūs školuotuoji, i pasuokuma atbaļsteituoji i lobvieli.

Konkursa tema – Naaizmierstulis vuordi “Muns spūžais gaismas stors” itūgod pamudynuoja iz rodūšū dūmu 170 jaunūs literatus, kai ari tyka sajimtys 55 ilustracejis, kūpumā tyka īsnīgti dorbi nu 41 školys. Rodūšī sveicīni tyka syuteiti nu Aulejis, Bolvu, Bebrenis, Brīžucīma, Cyblys, Dagdys, Dravnīku, Gaigalovys, Gaļānu, Gruoveru, Īlyukstis, Izvolta, Jaunsylovys, Jaunstrūžānu, Kolupa, Kuorsovys, Leivuona, Ludzys, Maltys, Preiļu, Prīkuļu, Rēzeknis, Rībeņu, Rūžupis, Rudzātu, Sakstagola, Saļņovys, Seiļukolna, Šķeļtovys, Špogu, Upeitis, Vuorkovys, Viļakys, Viļānu, Zylupis i Aglyunys. Ir prīca i gondarejums par tū, ka Naaizmierstule, myusu Aglyunys lapnums, ir spiejuse ar sovu personeibu i literarajom atziņom likt aizadūmuot i, školuotuojis Monikys vuordim runojūt, “attaiseit vysslāptuokūs sirds styureišus” tik daudzim jaunim i rodūšim pruotim nu vysys Latgolys.

Kab izvārtātu vysūs 170 dorbūs (nu tim 18 raksteiti latgaliski, kas dreizumā tiks publicāti ari LaKuGā) padareitū, cīteigi struoduoja ari žūrejis komiseja: Aglyunys vydsškolys latvīšu volūdys i literaturys školuotuoja Monika Pušņakova, školuotuoja Valentina Ondzule, Maizis muzeja saimineica Vija Kudeņa, Aglyunys internatvydsškolys direktors i muzykys školuotuojs Didzis Vanags i Aglyunys internatvydsškolys latvīšu volūdys i literaturys školuotuoja Anita Vaivode. Sovukuort ilustraceju tehniku i rodūšū goru viertēja DMV “Saules skola”, Aglyunys bārnu muokslys školys školuotuoja Vija Kovaļkova i DMV “Saules skola” gleznuošonys i muokslys viesturis školuotuoja Dace Abricka.

Žūrejis viertiejumā 5. – 7. klašu grupā 1. vīta tyka pīškierta Dacei Daukštei (Aglyunys internatvydsškolys 6. kl.), 2. v. – Annijai Rateneicai (Aglyunys internatvšk. 5. kl.), 3. v. – Intai Ančevskai (Aglyunys internatvšk. 7. kl.), atzineibys sajēme Dāvids Rubens (Rudzātu všk. 7. kl.), Anita Sadovska, Viktorija Skorodihina, Viktorija Nartiša (Aglyunys internatvšk. 5. kl.), Eva Vjakse, Kristiāna Nikola Pūdža (Prīkuļu pamatšk. 7. kl.), Melāneja Žilko (Gruoveru pamatšk. 5. kl.), Annemarija Garēviča – Jurēviča (Špogu všk. 7. kl.), Renāte Islamgarajeva (Gruoveru pamatšk. 5. kl.), Sintija Reble (Gaigalovys pamatšk. 5. kl.), Jurs Kokins (Rībeņu všk. 5. kl.), Marika Pizāne (Aglyunys internatvšk. 7. kl.), Samanta Dombrovska (Aglyunys internatvšk. 6. kl.), Artūrs Griguļs (Aglyunys všk. 6. kl.), Daira Aleksandroviča, Krista Greiža (Maltys všk. 7. kl.), Sintija Onužāne (Sakstagola Juoņa Klīdzēja pamatšk. 6. kl.), Kate Slišāne (Upeitis pamatšk. 7. kl.), Alise Ivbule (Aglyunys všk. 7. kl.). Par ilustracejom 1. vīta tyka pīškierta Sandai Augustovai (Cyblys všk. 5. kl.), 2. v. – Renātei Islamgarajevai (Gruoveru pamatšk. 5. kl.), 3. v. – Dženetai Gucānei (Cyblys všk. 5. kl.) i Dacei Daukštei (Aglyunys internatvšk. 6. kl.), atzineibys sajēme Katrīna Valaine, Viktorija Bogdanova (Aglyunys všk. 6. kl.), Elīza Paula Ivanova (Cyblys všk. 5. kl.), Viktorija Leščinska (Cyblys všk. 7. kl.), Baiba Balode (Dravnīku pamatšk. 7. kl.), Arnita Lipska (Kuorsovys všk. 7. kl.), Dagne Tuče (Maltys všk. 5. kl.), Kristiāna Nikola Pūdža (Prīkuļu pamatšk. 7. kl.), Alise Evelīna Irbe (Špogu všk. 6. kl.).

8.– 9. klašu grupā 1. vīta tyka pīškierta Lāsmai Neiceneicai (Rūžupis pamatšk. 8. kl.), 2. v. – Īvai Boļšakovai (Vuorkovys pamatšk. 9. kl.), 3. v. – Evitai Pastarei (Rūžupis pamatšk. 8. kl.) i Karīnai Makrjakovai (Aglyunys všk. 9. kl.), atzineibys sajēme Aina Skudra (Aglyunys všk. 9. kl.), Alise Jaseviča, Karīna Karahanjana, Viktorija Timofejeva (Aglyunys internatvšk. 9.kl.), Anna Barinova (Gaigalovys pamatšk. 9. kl.), Armands Čižiks (Zylupis všk. 9. kl.), Karīna Ločmele (Saļņovys pamatšk. 9. kl.), Lauma Releņa (Preiļu 1. pamatšk. 9. kl.), Nora Kirsanova (Aglyunys všk. 9. kl.), Renāte Dakule, Vilma Kolneja (Gaigalovys pamatšk. 9. kl.), Vineta Bolmane (Gaigalovys pamatšk. 8. kl.), Žanete Gabranova (Saļņovys pamatšk. 9. kl.). Par ilustracejom 1. v. tika pīškierta Leigai Gavarei (Aglyunys všk. 8. kl.), 2. v. – Lilitai Gžibovskai (Aglyunys všk. 9. kl.), 3. v. – Karīnai Makrjakovai (Aglyunys všk. 9. kl.), atzineibys sajēme Nauris Lukjanovičs (Aglyunys všk. 9. kl.), Laura Dzalbe (Aulejis pamatšk. 9. kl.).

10.– 12. kl. grupā 1. v. tyka pīškierta Laurai Malinovskai (Viļānu všk. 12. kl.), 2. v. – Santanai Dombrovskai (Aglyunys internatvšk. 12. kl.), 3. v. – Leigai Strukai (Rībeņu všk. 10. kl.), atzineibys sajēme Agita Kaža, Aija Muktupāvela (Preiļu 2. všk. 12. kl.), Anna Kivriņa (Preiļu 2. všk. 10. kl.), Anna Sintija Ivanova (Špogu všk. 12. kl.), Evija Kitova (Viļakys Vaļsts gimn. 12. kl.), Jevgenijs Māris Frolenkovs (Aglyunys všk. 12. kl.), Kristīne Ivbule (Špogu všk. 11. kl.), Una Truhanova (Reigys Vaļsts tehnik. Bolvu strukturvīn.). Par ilustraceju 2. v. pīškierta Kristīnei Ivbulei (Špogu všk. 11. kl.).

Jubileja reizē tyka saryupāti ari jauki i skaisti puorsteigumi. Leluokais nu tūs nūteikti ir Naaizmierstulei veļteitais Latgolys lauku školu jaunradis dorbu kruojums “Ej un spīdi” (sastuodeituoja M. Pušņakova), kurā apkūpuoti 89 lobuokī jaunradis dorbi i īvītuotys veiksmeiguokuos konkursu dalinīku ilustracejis. Tys ir veļtejums Aglyunys Kukaženis 125 godu jubilejam i ari rodūšūs dorbu konkursa desmitgadei. Kruojums ir izdūts ar Islandis, Lihtenšteinys, Norvegejis i Latvejis vaļsts finansialu atbolstu projekta “Atbalsts Aglonas novada biedrības “Neaizmirstule” darbībai” ītvorūs. Par puorsteigumu beja pasaryupiejuse školuotuoja Anita Vaivode i Aglyunys vydsškolys 11. klases škoļneica Anita Gžibovska, rodūt jubileja pasuokumam par gūdu kūpdorbu – skaistu dzīsmi. Školuotuoja Monika Pušņakova, duovojūt kotram naaizmierstuleišu sāklys, aicynuoja itūvosor, gaidūt Naaizmierstulis 125. dzimšonys dīnu, veiduot skaistu naaizmierstuleišu pļovu sovuos školuos, sovā sātā, sovā dzeivē.

Kotru godu pasuokumu atbolsta ari eipaša “jaukūs i gaišūs stareņu” kompaneja – konkursa labvieli i sponsori, kuri vīnkuoršai ir palykuši par sovejim, i itūgod tī ir: Aglyunys nūvoda bīdreiba “Neaizmirstule”, Rēzeknis Augstškola, Daugovpiļs Universitate, SEB banka, Maizis muzeja vadeituoja Vija Kudeņa, apguods “Zvaigzne ABC”, Aglyunys nūvoda centraluo biblioteka, SIA “Salang”, Andrejs Stremjanovs, Aglyunys Bazilika, prīsters Aigars Bernāns, muokslineica Vija Stupāne, žurnals “A12”, portals LaKuGa.lv, Jurs Viļums, Aglyunys vydsškolys vacuoku padūme, Lideja Lubāne, kora “Assumpta” veiri, Aglyunys nūvoda dūme, Aglyunys vydsškolys kolektivs i direktore Lideja Šatilova.

Roksta autore: Anita Vaivode, žūrejis komisejis puorstuove, Aglyunys internatvydsškolys latvīšu volūdys i literaturys školuotuoja.

Print Friendly, PDF & Email

Komentari

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]