Reigā 4. majā, Latvejis Republikys Naatkareibys atjaunuošonys dīnys 25 godu jubilejā, paradzāta koncertprograma Dūma laukumā. Pasuokumā varēs dzierdēt ari latgalīšu grupys “Dabasu Durovys” i “Laimas Muzykanti”.

Svātku koncertprograma Dūma laukumā suoksīs 12.30 ar koncertu “Pavasara dziesmas”. Tamā uzastuos grupys: “Zari”, “Dabasu Durovys”, “Laimas Muzykanti”, “Elektrofolk”, kai ari Napīradynuotuo folka orkestris i myusu dīnu tautys muzykys grupa “Jauno Jāņu orķestris”. Organizatori sūlej, ka koncertā varēs dzierdēt pavasareigi energisku muzyku nu postfolka da etnoroka.