Raidejumā “Latvijas novadu cīņas” pīsadaleja Preiļu komanda
Jaunajā LTV1 erudicejis šovā “Latvijas novadu cīņas” sasatyka teatra režisori – Inese Mičule, Valters Sīlis, Juoņs Znūteņs i jūs komandys – Preiļu nūvods, Reiga i Kandavys nūvods.
Ineses Mičulis vadeituos Preiļu nūvoda komandys sastuovā beja ari Latgolys Studentu centra puorstuove Kristīne Pokratnīce, reklamys specialiste Ilona Viļumsone, kai ari geografs, ceļuotuojs i Preiļu uzjiemiejs Sandis Škāps.
Šova dalinīkus uzmundrynuoja i atbaļsteja popularī Latgolys muziki – grupa “Ginc un es”.
Kab nūskaidruotu, kurā nūvodā dzeivoj Latvejā erudituokī cylvāki, nu 30. apreļa 10 nedeļu garumā LTV1 var vērtīs producentu kompanejis “HansaMedia” veiduotu erudicejis šovu “Latvijas novadu cīņas”, kurā kotru nedeļu sasateik treis nūvodu komandys i treis sabīdreibā popularys personys, kab azarta pylnā spēlē izzynuotu, kuram nu jim pīsanuok nedelis gudruokuo nūvoda tituls.
