Dagdā apsaveram fotoizstuode “Latgales ainava”

LaKuGa 3. Juņs, 2015. gods Comments Off on Dagdā apsaveram fotoizstuode “Latgales ainava”

Dagdys nūvoda Tautys noma izstuožu zalā apsaverama fotografa Igora Pliča fotoizstuode „Latgales ainava”.

igors plics Latgales ainavaIgors Pličs ir dzims 1954. goda 8. novembrī Reigā, vuicejīs Vactiļžys školā, 34. Reigys PTS Foto nūdaļā, Moskovys padūmis vuordā nūsauktajā politehnikumā, Foto tehnologejis nūdaļā, Foto meistareibys fakultatē VEF Kulturys i tehnikys pilī. Nu 1981. goda Igors Pličs struodoj i dzeivoj Preiļūs. Fotografs jau daudzus godus pīsadola izstuodēs gon Latvejā, gon uorzemēs, juo fotografejis ir izmontuotys postkartem, bukletim, ceļvežim i prezentacejis izdavumim, kalendarim. Taipat Igora fotografejis izmontuotys vairuokuos monografejuos, pīmāram, „Ai, māte Latgale”, „Latgales kultūras vēsture”, „Preiļu novads”. 2008. godā tyka izdūts Preiļu piļsātys 80 godu jubilejai veļteits fotoalbums „Acis redz, sirds deg…” ar Igora Pliča fotografejom. Ar fotografa entuziasmu 2013. godā dīnys gaismu īraudzeja unikals izdavums – Latgolai veļteita gruomota „Latgale fotogrāfijā”, kurā īkļautys 92 autoru biļdis.

Komentari slāgti.