Daugovpiļs teatra izruode “Dabaseibys pūddarneica” cyklā “Teātris.zip”

LaKuGa 5. Juņs, 2015. gods Comments Off on Daugovpiļs teatra izruode “Dabaseibys pūddarneica” cyklā “Teātris.zip”

Latvejis Televizejis raidejumu cykla „Teātris.zip” ītvorūs 6. junī 21:20 stuņdēs byus nūsaverams Daugovpiļs teatra īstudiejums „Dabaseibys pūddarneica jeb Viņa debešķības Laimesciema podniekdarbnīca”.

dabaseibys puddarneica FI„Teātris.zip” gosti byus Daugovpiļs teatra aktiri – Kristīne Veinšteina, Māris Korsiets, Egils Viļumovs i izruodis režisors Juris Jonelis.
2011. godā Lauris Gundars saraksteja lugu piec O. Vallaka stuosta „Epas Pillerpatas podniekdarbnīca” motivim i tū īstudēje Līpuojis teatrī. 2014. godā Daugovpiļs teatris tekstu puorveiduoje latgaliski, byutiski mainūt ari darbeibys nūrisis laiku nu 20. godu symta 30. godim iz myusu dīnom. Muoli, pūdnīka rypa – vyss izruodē nūteik kai eistā Latgolys pūdnīka darbneicā, kur treis aktiru snāgumā teik smolkai, poētiskai i kaisleigai izspālāts mīlesteibys treisstyurs.

Izruodis režisors J. Jonelis atkluoj, ka izruodē atsakluoj Latgolys cylvāku dvēsele, kura teik glaznuota tuos duorguma – muola materejā. Izruode viestej par divu veirīšu aizrauteigu ceiņu par pūdnīka darbneicys saimineicys sirdi, kurai izavēlēt jaunū saiminīku ar kotru šaļti palīk arviņ gryušuok.

Karteņa: publicitatis foto.

Komentari slāgti.