Izdūts latvīšu volūdys izlūkšņu audio paraugu izdavums

LaKuGa 9. Juņs, 2015. gods Comments Off on Izdūts latvīšu volūdys izlūkšņu audio paraugu izdavums
izluksnu paraugi mozs

Izdevnīceibā „Upe tuviem un tāliem” izdūts latvīšu volūdys izlūkšņu audio paraugu izdavums „Viena zeme, vieni ļaudis, nav vienāda valodiņa”. Tymā storpā diskā īkļautys ari Latgolys izlūksnis. Dorbs veļteits izcyluokajai latvīšu dialektologis Martys Rudzeitis (Marta Rudzīte, 1924 – 1996) pīmiņai.

Da šam Latvejā ir izdūti atseviški pietejumi par nadaudzom izlūksnem i atrūnami ari teicieju īroksti, kas puorsvorā ir nu Latgolys.

Izdavumā „Viena zeme, vieni ļaudis, nav vienāda valodiņa” paruodeitys vysu golvonūs izlūkšņu grupu īzeimis, i tys dūd īspieju valūdys dzeivū skaniejumu vīnlaikus ari nūsaklauseit. Jaunais dorbs ir unikals Latvejā i Baltejā, nu i ari Eiropā.

Treis kompaktdiskūs, kuru kūpgarums puorsnīdz 3,5 stuņdis, apkūpuoti gondreiž 100 dažaidi latvīšu volūdys īzlūkšņu paraugi.

Pyrmajūs divūs diskūs izlūksnis paraugus īrunuojs tuos nesiejs nu dzimšonys, kurs tai runuojs saimē i sovā apleicīnē. Īkļauti ari izlūkšņu paraugi, kas īraksteiti 40 godus atpakaļ, tymā storpā da šam moz dzierdātys izlūksnis, pīvadumam, Abrenis (Purvmolys) izlūksne.

Trešuo diska pamatu veidoj myusu laikabīdri, kuri leidztakus latvīšu literarajai volūdai zyna i ari lītoj sovys dzymtys izlūksni.

Pi disku izdūšonys stuoduojus Latvejis Universitatis profesore Lidija Leikuma, demografs i latviskuo montuojuma globuotuojs Ilmārs Mežs.

Izdavums nūpierkams Latvejis gruomotu i īrokstu tierdznīceibys vītuos.

 

Komentari slāgti.