Rogovkā atkluos jaunatnis iniciativu centru

Rogovkā atkluos jaunatnis iniciativu centru

18. junī Rēzeknis nūvoda Nautrānu pogosta Rogovkā tiks atkluots multifunkcionalais jaunatnis iniciativu centrs. 14 stuņdēs nūtiks svineiguo atkluošona, kam sekuos jaunīšu centra dalinīku koncerts i rodūšuos darbneicys, nu piečuok uzastuos grupa “Dabasu Durovys” i ansamblis “Manta”. 

rogovka jc

Latvejis i Šveicis sadarbeibys programys “Atbalsts jaunatnes iniciatīvu attīstībai attālos vai mazattīstītos Latvijas reģionos” ītvorūs 2014. goda junī tyka nūslāgts leigums ar Rēzeknis nūvoda pošvaļdeibu i Jaunatnis storptautiskū programu agenturu par apakšprojekta “Multifunkcionālu jaunatnes iniciatīvu centrs Rogovkā” realizaceju. Projekta kūpiejuo summa ir 87373,18 eiro, tymā skaitā pošvaļdeibys ledzfinansiejums – 5200 Eur. Finansiejums tyka izlītuots kuorma renovacejis dorbim i jaunīšim vajadzeiga inventara i apreikuojuma īguodei.

Projekta mierkis – uzlobuot jaunīšu dzeivis kvalitati, veicynojūt jūs iniciativys, pīduovojūt vareibys lītdereigai izmontuot breivū laiku, paradzūt atbylstūšys aktivitatis jaunīša personeibys atteisteibai, pīduovojūt iz jaunīšim orientātu praktisku pasuokumu cyklu organiziešonu labvieleigā i draudzeigā vidē, izagleitojūt naformali.

Projektu finansej Šveicis Konfederaceja nu Latvejis i Šveicis sadarbeibys programys leidzekļu paplašynuotajai Eiropys Savīneibai.

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]