Lelais Orientiešonuos braucīņs pa senejū Latgolu

Lelais Orientiešonuos braucīņs pa senejū Latgolu

Nu 1. da 2. augusta nūtiks Lelais orientiešonuos braucīņs “Rēzekne – Guļbine 2015”.

Pasuokuma organizatori sūlēj, ka dalinīki sovūs fotoaparatūs i atmiņuos varēs īmyužynuot Guļbinis Bāneiti, Bolvus, Latvejis leluokūs azarus, solom boguotuokū azaru Baļtejā, senejuokū Latvejis piļsātu, unikalus krucifiksus i naskaitamus bazneicu tūrņus, kai ari Latgolys augstuokū viersūtni ar augstuokū kūka skotu tūrni Latvejā i cytys unikalys šaļtenis.

Kab braucīni padareitu interesantuoku, kluotyn vēļ dalykta orientiešonuos piec kartis, kontrolpunktu vaicuošona piec fotofragmentu, interesanti papyldaizdavumi, eipaša braucīņa fotokolekcejis veiduošona i slāptuo punkta vaicuošona.

Pīsadaleišona ir pavysam vīnkuorša – juoizveidoj komanda nu vysmoz 2 cylvāku, juosagatavej vīgluo mašyna (derēs ari vīglais pasažeru mikroautobuss ar B kategorejis tīseibom), kai ari digitalais fotoaparats kontrolpunktu fotografiešonai. Noderēs ari braucīņa regiona karte, partū ka organizatoru izsnīgtuo byus bez mārūga.

Komandys teik sadaleitys 2 klasēs – A+ (profesionaļu klase) i A (iz gūda pjedestala var tikt ari īsuocieji).

1. augusta starts – Express Pizza & Express Cafe t/c “Ūga” Preiļūs.

1. augusta finišs/2. augusta starts – z/s “Rūķīši” Ruguoju pogostā.

2. augusta finišs – Kantis krūgā Guļbinē.

Registriešonuos braucīņam i vaira informacejis brauciens.lv .

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]