Teik vuokti leidzekli, lai rakstneicai Elitai Franciskai Cimarei otkon dūtu ocu gaismu.

Franciska ir rakstneica, zynoma ari kai Franciska Ermlere – detektivromanu cykla “Rīgas detektīvs” i romana “Jersikas derība” autore, rakstejuse ari latgaliski. Pyrma napylnu diveju godu jai suocēs veseleibys problemys. Regularys golvyssuopis i redzis trauciejumi beja daļa nu tom. Vairuokys reizis uorsti nūsaceja napareizu diagnozi, cikom tyka da sliedzīņa: intrakraniala hipertenseja, sekundara N. Optikus atrofeja, pancitopeneja.

Tys nūzeimoj, ka sīvītei ir nauorstiejama ašņaradis slimeiba i juos kermiņs pastyprynuoti ražoj trombocitus. Ituo procesa rezultatā sīvītei ir nūspīsts redzis nervs. Pagaisynuotais laiks, vaicojūt kaiti, kas izraisa veseleibys problemys, ir naatgiustams: nervs vaira nastruodoj i Franciska ir palykuse okla. Tys nūtyka strauji – treis mienešu laikā rakstneica pagaisynuoja 90 procentus redzis i itūšaļt vaira naredz nikuo.

Rakstneica ir palykuse piļneibā atkareiga nu leidzcylvāku, pat vīnkuoršys praktiskys darbeibys jai saguodoj lelys gryuteibys. Franciska navar izīt uorā pasastaiguot, pagatavēt sev ēst voi pylnvierteigai struoduot. Par juos uztycamuokū leidzgaitnīku itūšaļt ir palykuse meita, kas paleidz puorsavītuot i veikt vysu kasdīnā vajadzeigū, kai ari pīroksta juos diktātū tekstu jaunajam romanam.

Tok atjaunuot redzi ir īspiejams, partū ka kaida klinika Vuocejā pīduovoj redzis nerva transplantaceju, izmontojūt ciļmis šyunys. Franciskai ir vajadzeigys vysmoz divejis transplantacejis procedurys, kas kūpā izmoksoj 20 000. Itaidu leidzekļu rakstneicai nav.

Zīduot var:*
90006881 (zīduojums — 1.42 EUR)
90006771 (zīduojums — 7.11 EUR).
Franciskai var paleidzēt ari zīdojūt sevkuru summu iz kaidu nu zamuok nūruodeitajim kontim, īrokstūt moksuojuma mierkī: “Veselības fonds: Elita Franciska Cimare”.
Rekviziti:
Nūsaukums: Biedrība «Latvijas Labdaru Asociācija Labdaris.lv»
Reg. Nr: 40008173130
Jur. adrese: Akadēmijas laukums 1- 1011, Rīga, LV-1050
-SWEDBANK- Swift: HABALV22
LV43HABA0551037990069
-CITADELE- Swift: PARXLV22
LV79PARX0016130480002
Paypal: paypal@labdaris.lv
Webmoney:
WMR R175707680433
WME E281911870931
WMZ Z295651461411
labdaris@labdaris.lv
(+371) 27035637

*Zīduojumu akceja ir nūsaslāgusi i leidzekli vaira nateik vuokti.