Preiļūs atkluos pīminekli ebreju kūpīnai
Preiļūs 9. augustā 13 stuņdēs Cāsu ūļneicā (pi īejis ebreju kopsātā) svineigi atkluos pīminekli ebreju kūpīnai Preiļūs – arku ar vuortim. Jaunizveiduotuo pīminekļa autors ir arhitekts Sergejs Rižs, kurs veiduojs ari cytys monumentalys byuvis tragiskuokuo Ūtruo pasauļa kara nūtykuma pīminiešonai – 2004. godā atkluotū Preilu holokausta upuru memorialu i ari Bikernīku memorialu Reigā.
Pīminekļa finansātuojs ir bīdreiba „Preiļu ebreju kapsēta”, kuru izveiduoja i voda Preiļu gūda pilsūņs ASV dzeivojūšais Dāvids Zilbermans, kurs ari pīsadaleis atkluošonys pasuokumā. Arku byuviejs SIA „Preiļu celtnieks”, metala vuortus menorys (septeņzoru svečtura) veidā izgatavuojs SIA „LLA” Daugovpilī.
Atkluošonys pasuokumā pīsadaleis pats pīminekļa autors Sergejs Rižs, Reigys ebreju kūpīnys i cytu ebreju organizaceju puorstuovi. Svineigajā ceremonejā aicynuoti pīsadaleit ari Māris Gailis ar dzeivisbīdri, Žaņa Lipkis memoriala puorstuovi, 12. Saeimys deputati, pošvaļdeibu vadeituoji, kulturys i izgleiteibys īstuožu i navaļstiskūs organizaceju puorstuovi.
Piec pīminekļa svineiguos atkluošonys byus tradicionaluo holokausta upuru pīminis šaļts memoriālā.
Vysim pasuokuma apmaklātuojim arhitekts Sergejs Rižs ir sagatavejs pīminis suvenirus.
