Strūžanūs nūtiks Rēzeknis i Viļānu nūvoda Gruomotu svātki

Strūžanūs nūtiks Rēzeknis i Viļānu nūvoda Gruomotu svātki

21. augustā Strūžanu pogostā nūtiks Rēzeknis i Viļānu nūvoda 14. Gruomotu svātki. Pasuokumā ar gruomotu goldu pīsadaleis ari Latgolys Studentu centrs.

Vysys dīnys garumā Gruomotu svātkūs nūtiks gruomotu komercizstuode, kurymā pīsadaleis na tikai Latgolys Studentu centrs, nu ari taidys izdevnīceibys kai “Zvaigzne ABC”, “Lauku Avīze”, “Jumava”, “Nordik”, “Avots” i cytys.

11.00 nūtiks Gruomotu svātku atkluošona Strūžanu kulturys noma lelajā zalā. Tam sekuos publiskuo diskuseja “Kā pasargāt sevi un savu mantu”, kurymā aicynuots pīsadaleit ari īšklītu ministrs Rihards Kozlovskis. Pīaugušī ari aicynuoti iz sasatikšonu ar gruomotys “Akmeņu dziednieciskās un maģiskās īpašības” autoru Muodri Trompetu i tematiskuos avīzis “Ēd gudri, ēd vesels!” autori Sarmeiti Strauteņu.

Vysaidys aktivitatis paradzātys ari bārnim: mozuokajim byus vareiba pīsadaleit rodūšā nūdarbeibā ar muokslineicu Melāneju Vylku, jaunīši varēs sasatikt ar gruomotys “Nezināmā Latvija” autoru Gunti Eneņu, nu vysim teik pīduovuots vuiceitīs myusu dīnu dejis školuotuojis Vandys Kebis vadeibā, kai ari vērtīs Rēzeknis guņsdziesieju depo paraugdemonstriejumus.

Pasuokuma nūslāgumā byus tradicionaluo gruomotu izlūze, kai ari ar dzīsmem prīcynuos Puncuļu saime.

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]