Upeitis svātkūs otkon gasteis Latvejis Nacionalais teatris

LaKuGa 18. Augusts, 2015. gods Comments Off on Upeitis svātkūs otkon gasteis Latvejis Nacionalais teatris

22. i 23. augustā Viļakys nūvoda Škilbānu pogosta Upeitē tiks svieteiti tradicionalī “Svātki Upītie”, kurymūs jau ūtrū godu piec kuortys ar izruodi gasteis ari Latvejis Nacionalais teatris.

Svātki suoksīs 22. augustā, kod 10.00 pi Upeitis Tautys noma nūtiks muzykls “Maija i Paija”. Tam sekuos meistardarbneicys, atrakcejis i sportiskuos aktivitatis, nu 17.00 Upeitis Tautys nomā paradzāts Upeitis bārnu kapelys koncerts “Dzīduot muoku, doncuot muoku…”. 21.30 suoksīs nakts traseite, kam sekuos bals kūpā ar grupu “Unknown Artist”. Vysys nūtikšonys itamā dīnā bez moksys.

23. augustā 17.00 Upeitē gasteis Latvejis Nacionalais teatris ar izruodi “Pieaugušie” (īīšonys moksa 1,50 eiro). Teatram tei byus jau ūtruo gasteišonys reize Upeitē, partū ka pyrma goda jī skaiteituojim pīduovuoja izruodi “Īstā bērnība”. 22.00 svātkus nūslēgs bals kūpā ar grupu “Ginc un Es”, kurymā ar teatra beletim īīšona bez moksys, puorejim 2 eiro.


Upites_svatki_3

Komentari slāgti.