Rēzeknē apsaverama Leonida Važnuo fotoizstuode

LaKuGa 22. Septembris, 2015. gods Comments Off on Rēzeknē apsaverama Leonida Važnuo fotoizstuode

Latgolys Kulturviesturis muzejā da 10. oktobra apmaklātuoji teik aicynuoti īsapazeit ar fotoizstuodi “Sensitivity” (Jiuteigums), kas ir fotografa i fotografejis pasnīdzieja Leonida Važnuo jaunuokais veikums muokslys fotografejis jūmā.

Izstuodis projekts muokslys fotografejā “Sensitivity” ir eksperimentaluo fotografeja – piktorealuos fotografejis reanimaceja.

Kai informej pats muokslinīks, projekta pamatā ir vizualitatis pietnīceiba, rodūšais eksperiments, izmontojūt vysaida veida optiku i optiskuos īreicis, kas veidoj naosuma, romantisma izjiutu, itūreiz tys ir vīnys lācys objektivs “Lensbabie”, kura lītuošonys rezultatā veidojās jauns vizualais tāls, kas eistineibā napastuov fiziski, nu veidojās tik eislaiceigi fotografiešonys procesā, kas ari teik fiksāts.

Apsaverūt fotografejis, pyrmajā šaļtī var rastīs īspaids, ka kartenis ir vīnkuoršai napareizi nofotografietys, vysbīžuok ir redzīņs, ka attālam juobyut perfektam osuma ziņā, nu muokslys fotografejā var byut cytaiž. Attāla naosums nūgloboj seikuos detalis, “nūzūg” konkretumu, faktus, atstuoj skateituojam vareibu pošam veiduot tū vizualū, estetiskū iluzeju, kas jam ir tyva i saprūtama.

Piktorealuos fotografejis aizdavums ir izraiseit skateituojā pozitivys, estetiskys emocejis, kuruos veidojās puordūmu rezultatā, verūtīs iz karteņu.

Fotoizstuode “Sensitivity” ir fotografa Leonida Važnuo īprīškejūs diveju fotoizstuožu cykla lykumsakareigs turpynuojums, kas ir modernuos vizualitatis pietejumi fotografejā. Īprīškejī projekti: asociativuos fotografejis izstuode “Test of the city” i eksperimentaluos fotografejis izstuode “Blue Skies & Actress”.

Izstuode “Sensitivity” – “Neasums kā estētiskā forma” ir mieginuojums popularizēt eksperimentalū fotografeju, tymā skaitā atguodynuot ari par piktorealū fotografeju, kura ir spiejeiga patstuoveigi eksistēt i atsateisteit myusdīnu modernajā vizualajā telpā.

Afisha_foto_sesitivity_7

Komentari slāgti.