„Latgolys keramiku” varātu īkļaut Eiropys Savīneibys nacionalūs zeimulu registrā

LaKuGa 28. Septembris, 2015. gods Comments Off on „Latgolys keramiku” varātu īkļaut Eiropys Savīneibys nacionalūs zeimulu registrā

1 (6)Vītejuo kulturys montuojuma aizsardzeibai i amatnīceibys izaugsmis veicynuošonai Eiropys Komiseja varātu veiduot sistemu nalauksaimnīciskūs produktu geografiskūs nūruožu aizsardzeibai. Leidzeigā sistemā Eiropys Savīneibys nacionalūs produktu registrā teik aizsorguoti puortykys produkti – sklandrauši, salynuota rupmaize i Carnikavys niegi.

Ka itaida sistema tyktu veiduota, tymā varātu īkļaut ari zeimulu „Latgolys keramika”. Taipat registrā varātu īkļaut Bohemejis styklu, Lītovys lynu i c.

Septembra vydā Briselī nūtykušajā Eiropys Parlamenta Juridiskūs lītu komitejis sēdē deputati nūruodejuši, ka geografiskuos izceļsmis aizsardzeiba ir vajadzeiga ari regionaluos i vītejuos nūzeimis nalauksaimnīciskom precem i amatnīku izstruoduojumim, kuru izgataveišonys pamatā ir tradicionaluos zynuošonys i metodis. Tys ļautu aizsorguot vītejū kulturys montuojumu i veicynuot izaugsmi.

Informacejis olūts: LETA
Karteņa: K. Pokratniece

Komentari slāgti.