Lūznovys muižā koncertēs “Skonai”

Lūznovys muižā koncertēs “Skonai”

Svātdiņ, 25. oktobrī, 14.00 Lūznovys muižu rudineigi muzykaluos nūskaņuos īskandynuos Rēzeknis nūvoda vokaluo studeja “Skonai” i Reigys Tehniskuos universitatis jaunīšu vokalais ansamblis “Jauna Nianse” ar koncertprogramu “Saule iz placa”.

Rēzeknis nūvoda vokaluos studejis “Skonai” muokslinīciskuo vadeituoja Guntra Kuzmina soka, ka “rudiņs ir tik kruošņu nūšu puslopu boguots, ka dzīsmis steidz rūtuotīs leidza i saule ir tei, kuruo sēd mums iz placa i vad pa ituom rudineigajom muzykys stygom”.

Vokalais ansamblis “Jauna Nianse” (vadeituoja Anitra Kuzmina) ir nūsvietejs 15 godu jubileju i gatavejās jaunom koncertprogramom, partū rūseigai dūmās īprīcynuot klauseituojus ari Latgolā.

Koncertā skanēs i latgalīšu tautysdzīsmis, i Kārļa Lāča, Erika Ešenvalda, Guntrys Kuzminys, Anitrys Kuzminys i Erika Kigeļa latvīšu originaldzīsmis. Ansambļu skaniejumu koncertā papyldynuos vejūlis, flautys i gitarys spēle.

Koncertprograma “Saule iz placa” turpynuos Lūznovys muižā nūteikūšū koncertu sereju, kurā da šam ar senejuos muzykys, kamermuzykys i džeza programom uzastuojuši muokslinīki nu Latvejis, Spānejis, Čehejis i Šveicis.

Koncertu organizej Rēzeknis nūvoda vokaluo studeja “Skonai” sadarbeibā ar Lūznovys muižu. Īīšona pasuokumā ir bez moksys, nu vītys iz koncertu juorezervej, zvonūt 29390701.

12094964_433475550174559_1667936655991542347_o

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]