Randaukys muižā nūtiks “Legendu nakts”

LaKuGa 27. Oktobris, 2015. gods Comments Off on Randaukys muižā nūtiks “Legendu nakts”
Randaukys muižā nūtiks “Legendu nakts”

Randaukys (Arendolis) muižys kungu sātā “Legendu nakts” ītvorūs 31. oktobrī nu 18.00 da 24.00 nūtiks viesturisku dokumentalu kinu demonstriejumi ar kinoprojektoru, informej Vuorkovys nūvoda sātyslopa. Tiks ruodeita  20. gs.  70. godūs uzjimtuo kina par Randaukys i cytom muižom apleicīnī.

Īīšona pasuocīnī par duovynuojumu muižys duorzam: organizatori byus prīceigi par pyuleju i cytu zīmcīšu puču rasādim, pīmāram: flokši, “mikeleiši” aba zīmyasteris, kāršrūzes, majrūzis, parka rūzis, rīvainuos voi krūkainuos, “Rosa Rugosa” rūzis, kazbārdis, snīgaūgys, “Snīga pykys” voi īrubinis “Roseum” un cyti kūšumkryumi, vālams senejuokuos škirnis. Derēs i seipulpuču seipuli.

Duovynojumi tiks daregistrieti eipašā katalogā, kurā tiks īraksteits duovynuotuoja vuords, auga nūsaukums, zīdu kruosa, auga augstums, nu kuo rasāds guojs i, īsipejams, ar kaids stuosts voi legenda.

Pasuocīni organizej bīdreiba “AS LATGOLAI” sadarbeibā ar Latvejis piļu i muižu asociaceju Kontakttelepons 29421413 (Faimja) i 29229713 (Arvids).

Karteņa: wikipedia.org

Komentari slāgti.