Lūznovys muižā aizvadeits koncerts “Saule iz placa”

Lūznovys muižā aizvadeits koncerts “Saule iz placa”

Cik daudzi nu jiusu šudiņdīnu pavoda ar sauli sirdī i iz placa? Tī, kas svātdiņ gasteja Lūznovys muižā, pavysam nūteikti varēja īsuokt nedeļu ar īdvasmu i smaidu iz lyupu.

25. oktobrī skaistuo muižys kuorma sīnys pīskandynuoja koncertprograma “Saule iz placa”, kurymā pīsadaleja RTU jaunīšu ansamblis “Jauna nianse” i Rēzeknis nūvoda vokaluo studeja “Skonai”. Obeji muzykalī kolektivi klauseituojus prīcynuoja ar apburūšu nūskaņu rodūšom kompozicejom – i lobuok zynomom, i na tik cīši. Izskanēja “Skonai” muokslinīcyskuos vadeituojis Guntrys Kuzminys originaldzīsmis i tautysdzīšmu apdaris, kai ari E. Ešenvalda, J. Lūsēna , K. Lāča muzyka. Lūznovys muižys Sorkonajā  zalā vaļdeja saulis pylna atmosfera, kas rūtuoja kai klauseituoju sejis, tai ari dzīduotuoju vaibstus, nu par apmaklātuoju garšys kuorpeņu lobsajiutu pasaryupieja “Pērtnieku” gordumi, kas gostim pīduovuoja puosokainys uzkūdys moksys bufetē.

Paļdis sokam Lūznovys muižai, myusu draugim – RTU jaunīšu ansambļam “Jauna nianse” – par kūpeigū saulis dzīšmu skandiešonu i, prūtams, myusu namaineigajam i leluokajam atbolstam – Rēzeknis nūvoda pošvaļdeibai, kas vysod paleidz myusu ideju i iniciativu eistynuošonā!

Sauli iz placa vielejūt,
Rēzeknis nūvoda vokaluos studejis “Skonai” dalineica Aiva

Print Friendly, PDF & Email

Kalenders

Apr
25
Cat
11:00 Festivals “Steigys” @ Juoņa Ivanova Rēzeknis muzykys vydsškola
Festivals “Steigys” @ Juoņa Ivanova Rēzeknis muzykys vydsškola
Apr 25 @ 11:00 – 17:00
Festivals "Steigys" @ Juoņa Ivanova Rēzeknis muzykys vydsškola
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 25 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Koncerts “Celīs, bruoļ!” @ VEF Kulturys piļs
Koncerts “Celīs, bruoļ!” @ VEF Kulturys piļs
Apr 25 @ 19:00 – 21:00
Koncertā pīsadola kai jau populari i labi pazeistami, tai i pavysam jauni, dažaidus muzykys stilus puorstuovūši muokslinīki: Juoņs Aišpurs (THE SOUND POETS), Arņs Slobožaņins (DABASU DUROVYS), Guntis Rasims i Jurs Vucāns (BEZ PVN), Jurs Ostrovskis[...]